Ishki ister ministrligi azamattardy jańa alaiaqtyq tásiline bailanysty saq bolýǵa shaqyrdy. Keiingi ýaqytta alaiaqtar kúshtik jáne quqyq qorǵaý organdary basshylarynyń aty-jóni men sýretin paidalanyp, jalǵan akkaýnttar ashyp jatyr, dep habarlaidy dalanews.kz.
Vedomstvo málimetinshe, qaskóiler messendjerler men áleýmettik jeliler arqyly ózderin laýazymdy tulǵa, burynǵy áriptes nemese tanys retinde kórsetedi. Keiin túrli sebepti alǵa tartyp, shuǵyl túrde aqsha suraidy.
IIM ókilderi mundai habarlamalarǵa senbeýge keńes berdi. Tipti habarlama tanys adamnyń atynan kelse de, aqparattyń ras-ótirigin naqtylap alǵan jón.
Sondai-aq, azamattarǵa SMS arqyly kelgen kodtardy, bank kartalarynyń deregin, qupiiasózderdi jáne ózge de jeke málimetti eshkimge bermeý, kúmán týdyratyn siltemelerge ótpeý ári belgisiz qosymshalardy júktemeý usynyldy.
