Prezident Qasym-Jomart Toqaev Meditsina qyzmetkeri kúnine arnalǵan saltanatty jiynda sala mamandaryn kásibi merekesimen quttyqtap, densaýlyq saqtaý júiesin damytý memlekettiń strategiialyq basymdyǵy ekenin málimdedi, dep habarlaidy Dala News.
Memleket basshysy dárigerlerdiń qoǵamdaǵy erekshe róline toqtalyp, olardyń adam ómirin saqtaýdaǵy eren eńbegin joǵary baǵalady.
«Sizder adam ómirine arasha túsip, eń qymbat qundylyq – densaýlyqty qorǵap kelesizder. Bul – zor jaýapkershilik pen janqiiarlyqty talap etetin mamandyq», – dedi Prezident.
Toqaevtyń aitýynsha, sońǵy bes jylda elimizde 800-ge jýyq densaýlyq saqtaý nysany salyndy. Aýyldyq jerlerdegi meditsina júiesin jańǵyrtýǵa arnalǵan ulttyq joba aiasynda 469 nysan paidalanýǵa berilgen, al jyl sońyna deiin taǵy 186 nysan salynbaq.
Prezident Qazaqstanda meditsinalyq týrizmniń de qarqyndy damyp kele jatqanyn atap ótti. Onyń aitýynsha, jyl saiyn 45 memleketten shamamen 10 myń adam Qazaqstanǵa emdelý úshin keledi.
Sonymen qatar Memleket basshysy meditsina qyzmetkerlerin áleýmettik qoldaý sharalarynyń kólemi sońǵy úsh jylda jeti esege artqanyn aitty. Ol Úkimetke meditsina mamandaryn qoldaýdyń arnaiy baǵdarlamasyn ázirleýdi tapsyrdy.
Saltanatty shara barysynda birqatar meditsina qyzmetkeri memlekettik nagradalarmen marapattaldy.
