Osy oraıda QR Prezıdenti janyndaǵy Áıelder isteri jáne otbasylyq –demografıayq saıasat jónindegi Ulttyq komısıa 2022 jyldy shilde aıynyń 25 juldyzynan bastap balalar áni jáne balalar poezıasyna (óleń ,jyr,taqpaq) arnalǵan aqyndar men kompozıtorlar arasynda respýblıkalyq baıqaý jarıalaıdy.
Konkýrstyń maqsattary men mindetteri:
- óner týyndylary arqyly qazaqstandyq patrıotızm men ulttyq mádenıetke degen súıispenshilikti qalyptastyrý;
- jas ereksheligi talabyna saı jańa mýzykalyq shyǵarmalardyń jazylýyna jol ashý;
- otandyq avtorlardy qoldaý;
- balabaqsha jáne mektep jasyndaǵy balalardyń repertýaryn tolyqtyrý;
- Otanǵa qyzmet etýge, joǵary patrıottyq nıetterge oń kózqarastar qalyptastyratyn mádenı ónimderdi jasaý
Konkýrstyń ótkizý tártibi
Konkýrs 2022 jyldyń 25 shildesinen bastap 15 qazan aralyǵynda Qazaqstan Respýblıkasynyń búkil aýmaǵynda ótkiziledi.
Shyǵarmalar erkin taqyrypta (otansúıgishtik, ata-anaǵa degen mahabbat, eldi qorǵaý, tabıǵat jaıynda jáne t.b.) jazylady. Konkýrs shyǵarmalardyń túri boıynsha kelesi eki nomınasıalarǵa bólinedi:
- Balalarǵa arnalǵan ánder. Balabaqsha jáne mektep jasyndaǵy balalardyń ánderi.
- Balalar poezıasy. Erkin taqyryptaǵy taqpaq, óleń, jyr týyndylary
Eskertý: Konkýrsqa qatysý úshin buryn kópshilik aldynda oryndalmaǵan, jarıalanbaǵan jáne basqa konkýrstarǵa qatyspaǵan týyndylar usynylady.
Ótinish qabyldaý
Konkýrsqa qatysý úshin qatysýshylar ótinimmen birge mynadaı qujattar men materıaldardy qosa bere otyryp, 2022 jylǵy 25 shildeden bastap 15 qazanǵa deıin osy Qaǵıdalarǵa 1-qosymshaǵa sáıkes nysan boıynsha ótinimder jiberedi:
- PDF formatynda jeke kýáligi qujatynyń kóshirmesi;
- shyǵarmashylyq ómirbaıany;
1) Konkýrska qatysýshynyń 13h18 santımetr ólshemindegi túrli-tústi fotosýreti (JPEG formatynda);
2) týyndynyń MR3 formatyndaǵy aýdıojazbasy;
3) Eki nomınasıaǵa da Word qujatyndaǵy týyndynyń mátini (qarip – Times New Roman, mólsheri №14, jolaralyq ınterval – bir joldyq);
4) Ánder nomınasıasyna partıtýra jáne klavır («Finale» nemese «Sibelius» notalyq redaktorlar nemese JPEG nemese PDF formatyndaǵy basqa notalyq redaktorlar formatynda).
5) Qazaqstan Respýblıkasynyń ekinshi deńgeıdegi bankte jeke shotynyń bolýy týraly anyqtama.
Ótinimder myna elektrondy poshtaǵa jiberiledi: zhas.oren@gmail.com Anyqtama telefondary: 87751459053
Konkýrs erejesi
- Konkýrsqa qatysýdan bas tartylǵan jaǵdaıda, osy Qaǵıdalardyń
tarmaǵynda kórsetilgen qujattar qatysýshylarǵa qaıtarylmaıdy.
- Konkýrsqa qatysýshylar osy Qaǵıdanyń 6-tarmaǵynda kórsetilgen
birneshe nomınasıalarǵa bir mezgilde qatysa alady. Ár nomınasıa boıynsha bir qatysýshy bir ótinimmen bir týyndyny ǵana usynylady. Ánge qatysty shyǵarma óńdelgen (aranjırovka) nusqada bolsa bolady.
- Konkýrsqa usynylǵan týyndylar, resenzıalanbaıdy jáne
qaıtarylmaıdy.
- Baıqaýdyń qorytyndylary 2022 jyldyń 25 qazanynda jarıalanady.
- Nomınasıa jeńimpazdary men dıplomanttardyń týyndylary
- Qazaqstan Respýblıkasynyń mádenıet uıymdary men shyǵarmashylyq
birlestikteriniń repertýaryna qosý úshin usynylatyn bolady
- Nomınasıa Nomınasıa jeńimpazdary men laýreattaryna aqshalaı
syıaqylardy tóleý olardyń Qazaqstan Respýblıkasynyń ekinshi deńgeıdegi banktegi jeke shottaryna aýdarý jolymen júzege asyrylady.
- Aqshalaı júldelerdi tóleý úshin Qazylar alqasynyń hattamasy negiz
bolyp tabylady.
- Konkýrstyń jeńimpazdaryn marapattaý saltanaty Qazaqstan
Respýblıkasynyń Táýelsizdigi kúni qarsańynda Nur-Sultan qalasynda gala-konsert túrinde ótedi.
Konkýrstyń uıymdastyrý komıteti
Konkýrsty uıymdastyrý jáne ótkizý úshin Konkýrsty ótkizý jónindegi uıymdastyrý komıteti quramy (budan ári – Uıymdastyrý komıteti) qurylady.
Uıymdastyrý komıteti konkýrsty daıyndaý men ótkizýdi basshylyqty júzege asyrady.
Konkýrsty jarnamalaý maqsatynda Uıymdastyrý komıteti buqaralyq aqparat quraldaryna baspasóz-relızderdi usynady jáne Qaǵıdany Mınıstrliktiń www.msm.gov.kz ınternet-resýrsynda ornalastyrady.
Uıymdastyrý komıteti is-sharany aqparattyq-jarnamalyq qoldaý túrlerin aıqyndaıdy.
Uıymdastyrý komıtetiniń baılanys derekteri: telefon: 87751459053; elektrondyq poshta: zhas.oren@gmail.com
Konkýrstyń qazylar alqasy
Konkýrsqa qatysýshylardyń ónerin baǵalaý, sondaı-aq qorytyndylar shyǵarý jáne osy kórsetilgen nomınasıalar boıynsha jeńimpazdardy aıqyndaý týraly sheshimder qabyldaý úshin konkýrstyń qazylar alqasy (budan ári – Qazylar alqasy) qurylady.
Baıqaýdyń qazylar alqasynyń quramyna eńbek sińirgen mádenıet jáne óner qaıratkerleri, qoǵam qaıratkerleri, memlekettik uıymdardyń ókilderi kiredi.
Tóraǵany qosa alǵanda, Qazylar alqasynyń quramy taq bolýǵa tıis.
Árbir nomınasıa boıynsha Qazylar alqasynyń sheshimi túpkilikti jáne qaıta qaraýǵa jatpaıdy, hattamamen resimdeledi jáne qazylar alqasynyń tóraǵasy men barlyq músheleri qol qoıady.
Daýystar teń bolǵan jaǵdaıda Qazylar alqasy tóraǵasynyń daýysy sheshýshi bolady
Konkýrstyń Qazylar alqasy quqyly:
- laıyqty týyndylar bolmaǵan jaǵdaıda kez kelgen nomınasıa boıynsha jeńimpazdy anyqtamaýǵa;
- Aqshalaı júldelerdi (Gran-prıdi qospaǵanda) bermeýge nemese jeńimpazdar arasynda bólýge quqyly.
Qazylar alqasynyń múshelerine qalamaqy tóleý jasalǵan sharttarǵa sáıkes júrgiziledi. «Sybaılas jemqorlyqqa qarsy is-qımyl týraly» Qazaqstan Respýblıkasy Zańynyń 13-babyndaǵy 1-tarmaǵy 3) tarmaqshasyna sáıkes memlekettik qyzmetshiler jáne memlekettik uıymdarda nemese kvazımemlekettik sektor sýbektilerinde basqarý fýnksıasyn oryndaıtyn tulǵalar bolyp tabylatyn qazylar múshelerine qalamaqy tólenbeıdi.
Konkýrsty qarjylandyrý
Konkýrs nomınasıalary boıynsha kelesi aqshalaı júldeler belgilenedi:
- Bas-júlde – 1 000 000 (bir mıllıon) teńge eki nomınasıaǵa ortaq.
- «Balalarǵa arnalǵan ánder» nomınasıasy boıynsha
- İ oryn (1 júldeger) - 700 000 (jeti júz myń) teńge
- İİ oryn (2 júldeger) - 500 000 (bes júz myń) teńge
- İİİ oryn (2 júldeger) - 300 000 (úsh júz myń) teńge
- Dıplomant (3 júldeger) – 70000 (jetpis myń) teńge;
- «Balalar poezıasy» nomınasıasy boıynsha:
- İ oryn (1 júldeger) - 700 000 (jeti júz myń) teńge
- İİ oryn (2 júldeger) - 500 000 (bes júz myń) teńge
- İİİ oryn (2 júldeger) - 300 000 (úsh júz myń) teńge
- Dıplomant (3 júldeger) – 70000 (jetpis myń) teńge;
Qorytyndy erejeler
Osy Qaǵıdalarda qarastyrylmaǵan barlyq máseleler Qazaqstan Respýblıkasynyń qoldanystaǵy zańnamasyna sáıkes sheshiledi.
«Jas óren» I Respýblıkalyq baıqaýyn ótkizý qaǵıdalaryna
1-qosymsha nysan
«Jas óren» I Respýblıkalyq baıqaýyna qatysýǵa ótinim
Qatysýshynyń tegi, Aty, Ákesiniń aty (bolǵan jaǵdaıda)
Týǵan kúni
Qatysýshy týraly qosymsha aqparat (jumys, oqý orny jáne t. b.)
Nomınasıa ataýy
Konkýrstyq shyǵarmanyń ataýy
Baılanys anyqtamalary meken-jaıy, telefony, e-mail
