Biz tehnologiialyq ózgerister dáýiriniń tabaldyryǵynda turmyz. Jasandy intellekt (JI) bilim berý júiesiniń ajyramas bóligine ainalýda. JI oqytýshyny almastyrmaidy, tek onyń rólin kúsheitedi. Ol oqytýshyny bilim tasymaldaýshysy ǵana emes, bilim berý protsesindegi moderator, tálimger, strateg retinde kórsetedi. Osy oraida, JI tek tehnologiiany qoldaný ǵana emes, eń aldymen jańa mádenietti meńgerý – innovatsiiaǵa ashyqtyq, úzdiksiz úirenýge daiyn bolýdy talap etetin jańa mádeniet ekenin túsiný mańyzdy. Bizdiń basty maqsatymyz — jasandy intellektti qoldaný ǵana emes, JI bilim berý úderisiniń árbir qatysýshysymen odaqtasqan ekojúie qurý.
Bul baǵytta ýniversitet mańyzdy qadamdar jasaýda.
Atap aitsaq, ýniversitet bazasynda jasandy intellekt jáne Virtýaldy shyndyq zerthanasy, Fizika-matematika fakýltetinde aqparattyq tehnologiialar jáne jasandy intellekt kafedrasy quryldy.
Ýniversitettiń negizgi protsesterin tsifrlandyrýǵa, avtomattandyrýǵa jáne ońtailandyrýǵa baǵyttalǵan LMS júiesi – «Smart Jetisý» tsifrlyq platformasy jumys isteidi. «Huawei» kompaniiasymen jasasqan yntymaqtastyq aiasynda ýniversitet bazasynda zamanaýi tehnikalarmen jabdyqtalǵan Huawei akademiiasy ashyldy.
2024-2025 oqý jylynda júzege asyrylatyn barlyq bakalavriat baǵdarlamalaryna «Jasandy intellekt negizderi» páni, magistratýra men doktorantýraǵa arnalǵan bilim berý baǵdarlamalaryna «Jasandy intellektpen oqytýdyń zamanaýi tásilderi», «Basqarýdaǵy sandyq tehnologiialar», «Biznes zertteýlerindegi jasandy intellekt jáne derekterdi taldaý», «Jasandy intellekt jáne ziiatkerlik menshik», «Jasandy intellekttiń ekonomikalyq úderisterge áseri» siiaqty pánder men modýlder engizildi.
Ýniversitetishilik «Jas Galym – 2025» baiqaýynda jas ǵalymdar «Kiriktirilgen jasandy intellekt (JI) bar daýystyq kómekshi ázirleý» taqyrybyndaǵy jobasymen jeńiske jetip, 2 000 000 teńge kólemindegi qarjylandyrýǵa ie boldy. Startap jobalar baiqaýynda stýdentter «jasandy intellekt kómegimen mýltiplikatsiialyq filmder jasaý» atty ázirleme usyndy. Ýniversitet oqytýshysy Raigúl Jeldibaeva «Jas Ǵalym» baiqaýynda «Tildik emes mamandyq bilim alýshylarynyń akademiialyq aǵylshyn tilin meńgerýdegi kómekshisi retinde jasandy intellekt: randomizatsiialanǵan synaq»taqyrybyndaǵy jobasymen jeńimpaz atandy.
Ǵylym jáne joǵary bilim ministrliginiń AI-Sana flagmandyq jobasynyń bastamasyn júzege asyrý barysynda «I.Jansúgirov atyndaǵy Jetisý ýniversiteti» KEAQ resmi túrde zákirlik ýniversitet bolyp tanyldy. Joba jasandy intellektti (JI) damytýǵa jáne eldegi tsifrlyq ekonomikany qalyptastyrýǵa baǵyttalǵan.
AI-Sana jobasyna qatysý - ýniversitettiń ǵylymi áleýetin arttyryp qana qoimai, Jetisý óńiriniń turǵyndaryna aldyńǵy qatarly tsifrlyq daǵdylardy igerýge múmkindik ashady. Bul jergilikti kadrlardyń eńbek naryǵyndaǵy básekege qabilettiligin arttyryp, óńirdiń damýyna yqpal etedi.
AI-Sana baǵdarlamasy aiasynda myńdaǵan stýdent pen jas kásipker JI-diń qyr-syryn meńgerip, ony óz kásibinde qoldanýǵa múmkindik alady. Bolashaqta JI-men jumys isteý – baǵdarlamashylardyń ǵana isi emes, ol ekonomister, zańgerler, agronomdar, dárigerler, basqa da mamandar úshin de paidaly quralǵa ainalmaq. Álemniń jetekshi sarapshylarynyń qatysýymen ázirlengen baǵdarlamany ozyq bilim berý bastamasy dep aita alamyz. Jetisý ýniversiteti osy jobaǵa qosylý arqyly jasandy intellektini tereń meńgergen sapaly maman daiarlaýǵa kúsh salamyz.
Joba úsh kezeń boiynsha júzege asyrylýda. Birinshi daiyndyq kezeńinde 5400 ýniversitet stýdenti Huawei platformasyn paidalanyp jasandy intellekt salasyndaǵy negizgi daǵdylar boiynsha oqýdy sátti aiaqtady.
Ekinshi kezeńde biz bilim alýshylarǵa kásipkerlik daǵdylardy, baǵdarlamalaý jáne mashinalyq oqytý negizderin úiretýdi josparlanyp otyr.
Jasandy intellekt jáne virtýaldy shyndyq zerthanasynyń negizinde bilim alýshylar JI tehnologiialaryn qoldana otyryp, bes baǵdarlamalyq qosymshany ázirleidi: Olar ártúrli tapsyrmalardy oryndai alatyn daýystyq kómekshi , bilim alýshylarǵa edvaizerlik jáne kýratorlyq kómek kórsetýge múmkindik beretin JI agenti, talapkerler men bilim alýshylarǵa arnalǵan chat-bot, animatsiialyq jáne beine kontent, beine oiyn ázirleýshisi. Sońǵy kezeń JI salasyndaǵy startaptardy damytýǵa jáne iske qosýǵa baǵyttalǵan stýdenttik komandalardy qurý. Bul tehnologiialyq kásipkerlikti, innovatsiialardy damytý jáne jasandy intellekt arqyly aimaqtyń básekege qabilettiligin arttyrýǵa negiz bolmaq.
