Aita ketelik, aýqymdy sporttyq sharaǵa Olimpbet býkmekerlik kompaniiasy qoldaý kórsetti. Olardyń qoldaýynsyz mundai týrnirdiń ótýi ekitalai edi.
Kúnniń jańbyrly bolǵanyna qaramastan súiikti sportshylaryn qoldaýǵa kelgen jankúierler qarasynda shek bolǵan joq. Aralas ekpe-jekti jany súietin kórermender kún raiynyń qolaisyzdyǵyn elemesten, basty sahnaǵa kóterilgen balýandardy qolpashtaýmen boldy. Óz eliniń batyrlarynan bólek, shetten kelgen sportshylardy da jergilikti halyq jyly qarsy aldy. Óz kezeginde TMD-nyń ár memleketinen kelgen jaýyngerler de jankúierlerge alǵys aityp, erteńgi jekpe-jekterdi tamashalaýǵa shaqyrdy.
«Almaty bizdi keremet qarsy alýda. Qazaq halqynyń qonaqjailylyǵyna qairanbyz. Barshańyzdy kórgenim úshin qýanyshtymyn. Erteńgi kezdesýlerdi birge tamashalaiyq», - dedi MMA bloger Artem Tarasov.
Erteńgi keshti jankúierler asyǵa kútip otyr. Sebebi oktagonǵa halyqtyń súiiktisine ainalǵan Qýat «Naiman» Hamit pen «Qazaq terminatory» Muratbek Qasymbai shyǵady. Sondai-aq Azizhan Chorshanbiev, Maksim Sokolov, Zelimhan Iýsýpov syndy MMA-diń shyn sheberleri óz ataqtaryn qorǵaý úshin baryn salady.
Kóz arbasý rásiminde sportshylar naǵyz shoý kórsetti. Ásirese kópshilikke óziniń erekshe stilimen tanylǵan Qýat Hamitov jankúierler aldynda senimdi málimdeme jasady.
«Almaty, sálem! Barshańyzdy erteń kútemin. Naǵyz aiqas bolady. Meniń boljamym boiynsha, ekinshi raýndta jekpe-jek merziminen buryn bitedi. Alǵa, Qazaqstan!», dedi Qýat «Naiman».
Al onyń qarsylasy Zelimhan Iýsýpov sóz sóilegende ózin ustaýǵa tyrysqanymen, kóz arbasý rásiminde qyzýqandylyqqa salynyp, Qýattyń aiaǵyna jarmasa ketti.
«Men erteńgi jekpe-jektiń ońai bolmaitynyn bilemin. Biraq jaqsy daiyndaldym. Bar ónerimdi kórsetemin. Eshqandai boljam jasamaimyn», - degen Zelimhan kóz arbasý rásiminde jaýyngerlerge tán qylyqpen qarsylasyna qyr kórsetip úlgerdi.
Almatydaǵy Hardkor keshiniń eń basty jekpe-jegi – qazaqstandyq Muratbek Qasymbai men reseilik Alovset Mamievtiń kezdesýi bolmaq.
Jeńil salmaqta ótetin jekpe-jek jankúierlerdiń de, mamandardyń da asqan qyzyǵýshylyǵyn týdyryp otyr. Sarapshylar qolmen judyryqtasýdyń has sheberi Muratbektiń jeńisine bás tigýde. Dese de, naǵyz chempion jekpe-jek barysynda anyqtalady.
Salmaq ólsheý rásiminde sóz alǵan Alovset Mamiev qazaq jankúierlerin erteńgi keshte ábden ókpeletinin aitty.
«Qaiyrly kún, Qazaqstan! Syi-qurmetterińizge rahmet! Biraq erteń sizderdi ókpeletemin. Óitkeni, jeńis úshin saqadai sai keldim», - dedi ol.
Osy kezde Arbatqa jinalǵan jankúierler de narazylyq tanytqan bolatyn. Sol sátte Muratbek naǵyz jigittik tanytyp, kórermenderi sabyrǵa shaqyrdy. Onyń qonaqty syilaý týraly aitqan jergilikti jankúierlerdiń ashýyn basty.
«Dostar, barshańyzǵa rahmet! Elimizde tuńǵysh ret ótkiziletin Hadrcore týrnirde baq synaý, jankúierlerdiń aldynda judyryqtasý men úshin úlken baqyt. Qoldap kelgenderińizge rahmet! Biraq qarsylasymdy da syilańyzdar. Qansha jerden qarsylas bolsa da, oǵan qurmet kórsetýlerińizdi suraimyn», - dedi «Qazaq terminatory».
Salmaq ólsheý rásiminde Qýat Hamitov pen Zelimhan Iýsýpov qana bir-birin silkip aldy. Qalǵan jaýyngerler bar kúshin erteńgi jekpe-jekterge saqtap otyrǵanyn aityp, kóz arbasý rásiminen soń tynysh tarqasty.
Búgin «Almaty Arenada» Qazaqstan tuńǵysh ret ótetin Hadrcore keshinde tómendegi jaýyngerler ózara myqtyny anyqtaidy:
- Azamat Baqytov – Maksim Sokolov
- Baǵdat Dúisembaev – Igor Barabanov
- Azizhan Chorshanbiev – Juman Jumabekov
- Qýat Hamitov – Zelimhan Iýsýpov
- Muratbek Qasymbai – Alovset Mamiev
Aita ketelik, tutas arenany toltyratyn Hadrcore týrniri Qazaqstanda alǵash ret uiymdastyrylyp otyr.
Búgin, 19 mamyrda «Almaty Arenada» ótetin naǵyz jaýyngerlerdiń saiysynan qalys qalmańyzdar! Bilet quny – ot 3 600 teńge. Biletterdi zakazbiletov.kz saitynda onlain satyp alýǵa bolady.
