Túrikmenstannyń burynǵy prezidenti Gýrbangýly Berdimuhamedov úlken qyzy Oǵuljahan Atabaevany kómekke muqtaj balalarǵa qoldaý kórsetý qaiyrymdylyq qorynyń emdeý qyzmeti boiynsha vitse-prezidenti qyzmetine taǵaiyndady, - dep habarlaidy Dalanews.kz.
Taǵaiyndaý 7 jeltoqsanda Arkadag qalasyndaǵy Qaiyrymdylyq qorynyń basqarma otyrysynda ótti.
Oǵuljahan Atabaeva – jaqynda ǵana Londondaǵy Túrikmenstan elshiliginiń keńesshisi bolyp qyzmet atqarǵan Dáýlet Atabaevtyń jubaiy.
2019 jyly erli-zaiyptylar londondyq velosipedshiniń Dáýlet Atabaevqa kólik júrgizip kele jatyp telefon qoldanǵany úshin eskertý jasaǵanda videoǵa túsip qalǵan.
Erli-zaiyptylar Arkadag qalasynyń qurylysyn bastaǵan kezde Túrikmenstanǵa oraldy. Basylymdar málimetinshe, Dáýlet Atabaev resmi túrde Arkadag qurylysy jónindegi Memlekettik komitet basshysynyń keńesshisi Deria Orazovtyń keńesshisi bolyp sanalady, biraq beiresmi túrde meditsinalyq klaster nysandaryn basqarady.
Gýrbangýly Berdymýhamedov pen onyń jubaiy Oǵulgerek Berdymýhamedovtiń úsh balasy bar: uly Serdar, ol ákesiniń ornyna el basshysy boldy, jáne eki qyzy – Oǵuljahan men Gúlshan.
