Түрікменстанның бұрынғы президенті Гурбангулы Бердімұхамедов үлкен қызы Оғұлжахан Атабаеваны көмекке мұқтаж балаларға қолдау көрсету қайырымдылық қорының емдеу қызметі бойынша вице-президенті қызметіне тағайындады, - деп хабарлайды Dalanews.kz.
Тағайындау 7 желтоқсанда Аркадаг қаласындағы Қайырымдылық қорының басқарма отырысында өтті.
Оғұлжахан Атабаева – жақында ғана Лондондағы Түрікменстан елшілігінің кеңесшісі болып қызмет атқарған Дәулет Атабаевтың жұбайы.
2019 жылы ерлі-зайыптылар лондондық велосипедшінің Дәулет Атабаевқа көлік жүргізіп келе жатып телефон қолданғаны үшін ескерту жасағанда видеоға түсіп қалған.
Ерлі-зайыптылар Аркадаг қаласының құрылысын бастаған кезде Түрікменстанға оралды. Басылымдар мәліметінше, Дәулет Атабаев ресми түрде Аркадаг құрылысы жөніндегі Мемлекеттік комитет басшысының кеңесшісі Дерья Оразовтың кеңесшісі болып саналады, бірақ бейресми түрде медициналық кластер нысандарын басқарады.
Гурбангулы Бердымухамедов пен оның жұбайы Оғұлгерек Бердымухамедовтің үш баласы бар: ұлы Сердар, ол әкесінің орнына ел басшысы болды, және екі қызы – Оғұлжахан мен Гүлшан.
