Is-sharany uiymdastyrýshylar qala turǵyndaryn ekoqozǵalysqa jumyldyrýǵa jáne qaita óńdeletin shikizatty óńdeýdiń mańyzdylyǵyn kórsetýge, elordanyń ekobelsendilerin biriktirýdi kózdeidi.
Festival prodiýseri Maira Izmaiylovanyń aitýynsha, is-sharaǵa qatysýshylar úshin qoǵamdyq uiymdar men olardyń qyzmetine arnalǵan tegin interaktivti oryndar ashylatynyn alǵa tartty.
Munda qalanyń jasyl kartasy kórsetilip, belsendi azamattarǵa qalada kógaldandyrý jáne qoǵamdyq keńistikter jetispeitin oryndardy kórsetýge múmkindik beriledi. Mundai oryndarǵa festival qatysýshylary kartada arnaiy belgi soǵa alady.
Óz kezeginde Astana qalasy ákimdiginiń Ýrbanistika basqarmasy qala turǵyndarynyń usynystary elordany kógaldandyrý men abattandyrýdy josparlaý kezinde eskeretin bolady.
Sol siiaqty súiiktisine júrek sezimin bildirý boiynsha ILOVE fotoaimaǵynda da baiqaý uiymdastyrylyp, BAÁ-ge eki adamǵa joldama oinatylady. Qapy qalmańyzdar.
Sonymen qatar sharaǵa qatysýshylar úshin bilim berý jáne eko master-klasstar ótedi dep kútilýde. Resaikling (qaldyqtardy qaita óńdeý jáne týyndylar men óner obektilerin plastikten jasaý) jáne velosipedpen júrý (olar úshin jańa fýnktsional jasai otyryp, materialdar men zattardy qaitalama paidalaný) sharasy da ótetinin aita ketýimiz kerek.
Sondai-aq, festival barysynda florister men sýretshiler, sáýletshiler arasynda jariialanǵan «Gúl shahary – Astana» baiqaýy qorytyndylanady.
Gúl festivaliniń resmi ashylýy 5 shilde kúni saǵat 10:00-de EKSPO alańynda ótedi, kirý tegin.
