ءىس-شارانى ۇيىمداستىرۋشىلار قالا تۇرعىندارىن ەكوقوزعالىسقا جۇمىلدىرۋعا جانە قايتا وڭدەلەتىن شيكىزاتتى وڭدەۋدىڭ ماڭىزدىلىعىن كورسەتۋگە، ەلوردانىڭ ەكوبەلسەندىلەرىن بىرىكتىرۋدى كوزدەيدى.
فەستيۆال پروديۋسەرى مايرا يزمايىلوۆانىڭ ايتۋىنشا، ءىس-شاراعا قاتىسۋشىلار ءۇشىن قوعامدىق ۇيىمدار مەن ولاردىڭ قىزمەتىنە ارنالعان تەگىن ينتەراكتيۆتى ورىندار اشىلاتىنىن العا تارتتى.
مۇندا قالانىڭ جاسىل كارتاسى كورسەتىلىپ، بەلسەندى ازاماتتارعا قالادا كوگالداندىرۋ جانە قوعامدىق كەڭىستىكتەر جەتىسپەيتىن ورىنداردى كورسەتۋگە مۇمكىندىك بەرىلەدى. مۇنداي ورىندارعا فەستيۆال قاتىسۋشىلارى كارتادا ارنايى بەلگى سوعا الادى.
ءوز كەزەگىندە استانا قالاسى اكىمدىگىنىڭ ۋربانيستيكا باسقارماسى قالا تۇرعىندارىنىڭ ۇسىنىستارى ەلوردانى كوگالداندىرۋ مەن اباتتاندىرۋدى جوسپارلاۋ كەزىندە ەسكەرەتىن بولادى.
ءىس-شارا بارىسىندا قازاقستاننىڭ تابيعي ايماقتارىنىڭ لاندشافتىندا بەزەندىرىلگەن كيىز ۇيلەر، گۇل ايماعىن بەزەندىرۋ بويىنشا فلوريستەر بايقاۋى ۇيىمداستىرىلادى.
سول سياقتى سۇيىكتىسىنە جۇرەك سەزىمىن ءبىلدىرۋ بويىنشا ILOVE فوتوايماعىندا دا بايقاۋ ۇيىمداستىرىلىپ، باا-گە ەكى ادامعا جولداما ويناتىلادى. قاپى قالماڭىزدار.
سونىمەن قاتار شاراعا قاتىسۋشىلار ءۇشىن ءبىلىم بەرۋ جانە ەكو ماستەر-كلاسستار وتەدى دەپ كۇتىلۋدە. رەسايكلينگ (قالدىقتاردى قايتا وڭدەۋ جانە تۋىندىلار مەن ونەر وبەكتىلەرىن پلاستيكتەن جاساۋ) جانە ۆەلوسيپەدپەن ءجۇرۋ (ولار ءۇشىن جاڭا فۋنكسيونال جاساي وتىرىپ، ماتەريالدار مەن زاتتاردى قايتالاما پايدالانۋ) شاراسى دا وتەتىنىن ايتا كەتۋىمىز كەرەك.
سونداي-اق، فەستيۆال بارىسىندا فلوريستەر مەن سۋرەتشىلەر، ساۋلەتشىلەر اراسىندا جاريالانعان «گۇل شاھارى – استانا» بايقاۋى قورىتىندىلانادى.
گۇل فەستيۆالىنىڭ رەسمي اشىلۋى 5 شىلدە كۇنى ساعات 10:00-دە ەكسپو الاڭىندا وتەدى، كىرۋ تەگىن.
