Týrizm men ekotýrizmdi turaqty damytý baǵdarlamasy aiasynda Almatynyń taýly bókterindegi tabiǵaty ásem Gorelnik shatqalynda salynyp jatqan zamanaýi Arman-köpir dep atalatyn jaiaý júrginshiler kópiriniń qurylysy aiaqtalýǵa jaqyn. Nysan jospar boiynsha biyl qyrkúiek aiynda paidalanýǵa beriledi,- dep habarlaidy Dalanews.kz
Uzyndyǵy 77 metr bolatyn kópir shatqaldyń eki jaǵyn qosyp, bolashaqta ashylatyn oqýshylarǵa arnalǵan «Myń bala» sport klýbyna qoljetimdilikti qamtamasyz etedi. Kópirdiń qurylysy jer bederiniń kúrdeliligin eskere otyryp jasalǵan, onyń beriktigi men senimdiligi joǵary, halyqaralyq qaýipsizdik jáne paidalaný standarttaryna sai keledi. Joba jekemenshik kompaniia bastamasymen, Eýropanyń taýly jáne qorǵalatyn aimaqtarynda aspaly kópir salýda kópjyldyq tájiribesi bar Shveitsariianyń Swissrope Ltd kompaniiasymen birlese júzege asyrylyp otyr.
Kópirge jaqyn mańda 912 m² aýmaqty qamtityn kópfýnktsionaldy sport zaly men balalarǵa, sporttyq toptarǵa jáne oqý-jattyǵý jiyndaryna qatysýshylarǵa arnalǵan jaily 12 modýldi kapsýla paida bolady. Jańa keshen jyl boiy belsendi demalys, sporttyq jattyǵýlar men tabiǵat aiasyndaǵy bilim berý baǵdarlamalary úshin alańǵa ainalady.
Eske sala keteiik, biyl kóktemde Gorelnik aýmaǵynda vizit ortalyqqa aparatyn «Jumbaq jol» jaiaý júrginshiler joly ashylǵan edi. Uzyndyǵy 285 metr bolatyn soqpaq jol arqyly demalys aimaqtaryna barýǵa bolady, túngi jaryq jáne aqparattyq stendter bar. Joba ekotýrizmdi damytýǵa jáne Medeý men Shymbulaq siiaqty tanymal baǵyttarǵa túsetin rekreatsiialyq júktemeni azaitýǵa baǵyttalǵan.
Bul bastamalardy júzege asyrý jaily ári qaýipsiz týristik orta qurýǵa, belsendi jáne tanymdyq demalys múmkindikterin keńeitýge, sondai-aq tabiǵi murany saqtaýǵa yqpal etedi.
