تۋريزم مەن ەكوتۋريزمدٸ تۇراقتى دامىتۋ باعدارلاماسى اياسىندا الماتىنىڭ تاۋلى بٶكتەرٸندەگٸ تابيعاتى ەسەم گورەلنيك شاتقالىندا سالىنىپ جاتقان زاماناۋي Arman-köpir دەپ اتالاتىن جاياۋ جٷرگٸنشٸلەر كٶپٸرٸنٸڭ قۇرىلىسى اياقتالۋعا جاقىن. نىسان جوسپار بويىنشا بيىل قىركٷيەك ايىندا پايدالانۋعا بەرٸلەدٸ,- دەپ حابارلايدى Dalanews.kz
ۇزىندىعى 77 مەتر بولاتىن كٶپٸر شاتقالدىڭ ەكٸ جاعىن قوسىپ, بولاشاقتا اشىلاتىن وقۋشىلارعا ارنالعان «مىڭ بالا» سپورت كلۋبىنا قولجەتٸمدٸلٸكتٸ قامتاماسىز ەتەدٸ. كٶپٸردٸڭ قۇرىلىسى جەر بەدەرٸنٸڭ كٷردەلٸلٸگٸن ەسكەرە وتىرىپ جاسالعان, ونىڭ بەرٸكتٸگٸ مەن سەنٸمدٸلٸگٸ جوعارى, حالىقارالىق قاۋٸپسٸزدٸك جەنە پايدالانۋ ستاندارتتارىنا ساي كەلەدٸ. جوبا جەكەمەنشٸك كومپانييا باستاماسىمەن, ەۋروپانىڭ تاۋلى جەنە قورعالاتىن ايماقتارىندا اسپالى كٶپٸر سالۋدا كٶپجىلدىق تەجٸريبەسٸ بار شۆەيتسارييانىڭ Swissrope Ltd كومپانيياسىمەن بٸرلەسە جٷزەگە اسىرىلىپ وتىر.
كٶپٸرگە جاقىن ماڭدا 912 م² اۋماقتى قامتيتىن كٶپفۋنكتسيونالدى سپورت زالى مەن بالالارعا, سپورتتىق توپتارعا جەنە وقۋ-جاتتىعۋ جيىندارىنا قاتىسۋشىلارعا ارنالعان جايلى 12 مودۋلدٸ كاپسۋلا پايدا بولادى. جاڭا كەشەن جىل بويى بەلسەندٸ دەمالىس, سپورتتىق جاتتىعۋلار مەن تابيعات اياسىنداعى بٸلٸم بەرۋ باعدارلامالارى ٷشٸن الاڭعا اينالادى.
ەسكە سالا كەتەيٸك, بيىل كٶكتەمدە گورەلنيك اۋماعىندا ۆيزيت ورتالىققا اپاراتىن «جۇمباق جول» جاياۋ جٷرگٸنشٸلەر جولى اشىلعان ەدٸ. ۇزىندىعى 285 مەتر بولاتىن سوقپاق جول ارقىلى دەمالىس ايماقتارىنا بارۋعا بولادى, تٷنگٸ جارىق جەنە اقپاراتتىق ستەندتەر بار. جوبا ەكوتۋريزمدٸ دامىتۋعا جەنە مەدەۋ مەن شىمبۇلاق سيياقتى تانىمال باعىتتارعا تٷسەتٸن رەكرەاتسييالىق جٷكتەمەنٸ ازايتۋعا باعىتتالعان.
بۇل باستامالاردى جٷزەگە اسىرۋ جايلى ەرٸ قاۋٸپسٸز تۋريستٸك ورتا قۇرۋعا, بەلسەندٸ جەنە تانىمدىق دەمالىس مٷمكٸندٸكتەرٸن كەڭەيتۋگە, سونداي-اق تابيعي مۇرانى ساقتاۋعا ىقپال ەتەدٸ.
