Sol kisi «Qazaqstan Ýkrainaǵa alǵys aitýy kerek» dep áńgime aitypty. Bul ritorika o basta «Reseidiń agressiiasyna tosqaýyl qoiǵan Ýkraianaǵa Eýropa elderi alǵys aitýy kerek» degen sarynda aitylýshy edi.
Gordon onyń óńin ózgertip, endi «Qazaqstan da Ýkrainaǵa alǵys aitýy kerek» dep shatyp-butypty.
Gordonnyń shynaiy beinesin bilmeitin bizdiń qazaqtar, onyń aýzynan sózdi áleýmettik jelide taratyp, alǵys aitýǵa daiyndalyp jatqan syńaily.
Áleýmettik jelide Dmitrii Gordon kezip júrgen sózi mynaý:
– Eger Resei Ýkrainadan buryn Qazaqstanǵa kóz tikse, onda Qazaqstandy jeńip, bodan eter edi. Biraq, Resei bizge soǵys ashty. Biz Reseidi ábden qaljyrattyq. Endi Reseidiń Qazaqstanǵa soǵys ashar shamasy joq. Sol úshin burynǵy odaqtas elderdiń barlyǵy Ýkrainaǵa alǵys aitýy kerek, – depti Gordon kókemiz.
Qazaqstan anaǵan-mynaǵan alǵys aita beretin tilenshi emes qoi.
Osyǵan deiin Pýtinnen bastap Qadyrovqa deiingi kókezýler: «Qańtar oqiǵasy kezinde Ujymdyq qaýipsizdik kelisim-sharty uiymynyń áskeri elge kirmegende Qazaqstandy syrttan kelgen lańkester basyp alar edi. Sol úshin qazaqtar Kremlge alǵys aitýy kerek» dep jer tepkilegen edi.
Osydan keiin Reseidiń arnasyna suhbat bergen Prezident Toqaev Qańtar oqiǵasy kezinde oryn alǵan jaǵdailar boiynsha Qazaqstan Reseige boryshtar emes ekenin jaqsylap esterine salǵan bolatyn.
Sodan keiin orystyń propagandisteriniń aýzyna qum qiylǵan edi. Endi osy bir tezisti Gordon ilip alyp ketipti.
Osydan keiin Gordonnyń aýyzyna Pýtin kelip túkirip ketken be dep qaldy ekensiń. Ádette mundai sózderdi Gordon ádeii aitady. Ondaǵy maqsaty – óziniń áleýmettik jelidegi paraqshalary men kanaldaryna myńdap adam tartý.
Eger osyndai kókezýlerge der kezinde jaýap bermesek, kúni erteń ainaladaǵy kórshilerimiz áldeneni sebep qylyp ózderine bizdi boryshtar qylyp, sońynan kiriptar qylyp qoiýy múmkin.
Eger áńgimeniń ashyǵyn aitsaq, Qańtar oqiǵasy kezinde memleketke qaýip tóngen joq. Qaýip – bilikke tóndi. Bir minitingten memleket qulap qalmaidy ǵoi.
Talai zulmatty bastan ótkergen qazaq eliniń basynan ótken jaǵdailar bizdiń osy sózimizge aiqyn dálel bolady. Osyny basty nazarda ustaýymyz kerek.
Tutas Ýkriana halqy soǵysyp, qaiǵydan qan jutyp otyrǵanda Gordonnyń ózin beinelegen jastyq, shokolad satyp, kitaptaryn saýdalap aqsha jasaýyn qoimaǵanynan onyń qanshalyqty paidakúnem adam ekenin anyq ańǵarýǵa bolady.
Ol soǵystyń aldynda reseishil saiasatker, búginde ózge elde bas saýǵalap júrgen Evgeniia Mýraevatyń NewsOne dep atalatyn telearnasynda árbir beisenbi saiyn shyǵyp, Zelenskii biligin synap otyratyn edi.
Budan basqa Reseidiń saiasatkerlerinen suhabat alyp, erli-baily Popov pen Skabaevalardyń «60 minýt» tok-shoýynda Ýkrinanyń múddesin jaqtaǵansyp (mundaǵy maqsat ózin qaharman etip kórsetý), áńgime aitatynyn da jaqsy bilemiz.
Eger Dimitrii Gordon Ýkrainanyń shynaiy potrioty bolsa, jyldar boiy Reseidiń propagandasymen kúres júrgizip kele jatqan «Ýkrlaif», «Freedom» syndy kanaldar onyń stýdiiasyna shaqyryp suhbat alar edi ǵoi. Olar Gordonnyń oi-órisi ózi shyǵarǵan «Býlvar Gordona» gazeti deńgeiinen aspai qalǵanyn bilgen soń, ony mańailaryna jolatpaidy.
Nurlan Jumahan
