سول كٸسٸ «قازاقستان ۋكرايناعا العىس ايتۋى كەرەك» دەپ ەڭگٸمە ايتىپتى. بۇل ريتوريكا و باستا «رەسەيدٸڭ اگرەسسيياسىنا توسقاۋىل قويعان ۋكراياناعا ەۋروپا ەلدەرٸ العىس ايتۋى كەرەك» دەگەن سارىندا ايتىلۋشى ەدٸ.
گوردون ونىڭ ٶڭٸن ٶزگەرتٸپ, ەندٸ «قازاقستان دا ۋكرايناعا العىس ايتۋى كەرەك» دەپ شاتىپ-بۇتىپتى.
گوردوننىڭ شىنايى بەينەسٸن بٸلمەيتٸن بٸزدٸڭ قازاقتار, ونىڭ اۋزىنان سٶزدٸ ەلەۋمەتتٸك جەلٸدە تاراتىپ, العىس ايتۋعا دايىندالىپ جاتقان سىڭايلى.
ەلەۋمەتتٸك جەلٸدە دميتريي گوردون كەزٸپ جٷرگەن سٶزٸ مىناۋ:
– ەگەر رەسەي ۋكراينادان بۇرىن قازاقستانعا كٶز تٸكسە, وندا قازاقستاندى جەڭٸپ, بودان ەتەر ەدٸ. بٸراق, رەسەي بٸزگە سوعىس اشتى. بٸز رەسەيدٸ ەبدەن قالجىراتتىق. ەندٸ رەسەيدٸڭ قازاقستانعا سوعىس اشار شاماسى جوق. سول ٷشٸن بۇرىنعى وداقتاس ەلدەردٸڭ بارلىعى ۋكرايناعا العىس ايتۋى كەرەك, – دەپتٸ گوردون كٶكەمٸز.
قازاقستان اناعان-مىناعان العىس ايتا بەرەتٸن تٸلەنشٸ ەمەس قوي.
وسىعان دەيٸن پۋتيننەن باستاپ قادىروۆقا دەيٸنگٸ كٶكەزۋلەر: «قاڭتار وقيعاسى كەزٸندە ۇجىمدىق قاۋٸپسٸزدٸك كەلٸسٸم-شارتى ۇيىمىنىڭ ەسكەرٸ ەلگە كٸرمەگەندە قازاقستاندى سىرتتان كەلگەن لاڭكەستەر باسىپ الار ەدٸ. سول ٷشٸن قازاقتار كرەملگە العىس ايتۋى كەرەك» دەپ جەر تەپكٸلەگەن ەدٸ.
وسىدان كەيٸن رەسەيدٸڭ ارناسىنا سۇحبات بەرگەن پرەزيدەنت توقاەۆ قاڭتار وقيعاسى كەزٸندە ورىن العان جاعدايلار بويىنشا قازاقستان رەسەيگە بورىشتار ەمەس ەكەنٸن جاقسىلاپ ەستەرٸنە سالعان بولاتىن.
سودان كەيٸن ورىستىڭ پروپاگانديستەرٸنٸڭ اۋزىنا قۇم قيىلعان ەدٸ. ەندٸ وسى بٸر تەزيستٸ گوردون ٸلٸپ الىپ كەتٸپتٸ.
وسىدان كەيٸن گوردوننىڭ اۋىزىنا پۋتين كەلٸپ تٷكٸرٸپ كەتكەن بە دەپ قالدى ەكەنسٸڭ. ەدەتتە مۇنداي سٶزدەردٸ گوردون ەدەيٸ ايتادى. ونداعى ماقساتى – ٶزٸنٸڭ ەلەۋمەتتٸك جەلٸدەگٸ پاراقشالارى مەن كانالدارىنا مىڭداپ ادام تارتۋ.
ەگەر وسىنداي كٶكەزۋلەرگە دەر كەزٸندە جاۋاپ بەرمەسەك, كٷنٸ ەرتەڭ اينالاداعى كٶرشٸلەرٸمٸز ەلدەنەنٸ سەبەپ قىلىپ ٶزدەرٸنە بٸزدٸ بورىشتار قىلىپ, سوڭىنان كٸرٸپتار قىلىپ قويۋى مٷمكٸن.
ەگەر ەڭگٸمەنٸڭ اشىعىن ايتساق, قاڭتار وقيعاسى كەزٸندە مەملەكەتكە قاۋٸپ تٶنگەن جوق. قاۋٸپ – بيلٸككە تٶندٸ. بٸر مينيتينگتەن مەملەكەت قۇلاپ قالمايدى عوي.
تالاي زۇلماتتى باستان ٶتكەرگەن قازاق ەلٸنٸڭ باسىنان ٶتكەن جاعدايلار بٸزدٸڭ وسى سٶزٸمٸزگە ايقىن دەلەل بولادى. وسىنى باستى نازاردا ۇستاۋىمىز كەرەك.
تۇتاس ۋكريانا حالقى سوعىسىپ, قايعىدان قان جۇتىپ وتىرعاندا گوردوننىڭ ٶزٸن بەينەلەگەن جاستىق, شوكولاد ساتىپ, كٸتاپتارىن ساۋدالاپ اقشا جاساۋىن قويماعانىنان ونىڭ قانشالىقتى پايداكٷنەم ادام ەكەنٸن انىق اڭعارۋعا بولادى.
ول سوعىستىڭ الدىندا رەسەيشٸل ساياساتكەر, بٷگٸندە ٶزگە ەلدە باس ساۋعالاپ جٷرگەن ەۆگەنييا مۋراەۆاتىڭ NewsOne دەپ اتالاتىن تەلەارناسىندا ەربٸر بەيسەنبٸ سايىن شىعىپ, زەلەنسكيي بيلٸگٸن سىناپ وتىراتىن ەدٸ.
بۇدان باسقا رەسەيدٸڭ ساياساتكەرلەرٸنەن سۇحابات الىپ, ەرلٸ-بايلى پوپوۆ پەن سكاباەۆالاردىڭ «60 مينۋت» توك-شوۋىندا ۋكرينانىڭ مٷددەسٸن جاقتاعانسىپ (مۇنداعى ماقسات ٶزٸن قاھارمان ەتٸپ كٶرسەتۋ), ەڭگٸمە ايتاتىنىن دا جاقسى بٸلەمٸز.
ەگەر ديميتريي گوردون ۋكراينانىڭ شىنايى پوتريوتى بولسا, جىلدار بويى رەسەيدٸڭ پروپاگانداسىمەن كٷرەس جٷرگٸزٸپ كەلە جاتقان «ۋكرلايف», «Freedom» سىندى كانالدار ونىڭ ستۋديياسىنا شاقىرىپ سۇحبات الار ەدٸ عوي. ولار گوردوننىڭ وي-ٶرٸسٸ ٶزٸ شىعارعان «بۋلۆار گوردونا» گازەتٸ دەڭگەيٸنەن اسپاي قالعانىن بٸلگەن سوڭ, ونى ماڭايلارىنا جولاتپايدى.
نۇرلان جۇماحان
