Memlekettik kirister komitetiniń málimetinshe, salyq engizilgen kúnnen bastap sheteldik internet-kompaniialar Qazaqstan Respýblikasynyń biýdjetine 111,6 mlrd teńge tóledi. Tek 2025 jyldyń ózinde túsimder 41,8 mlrd teńgeni qurady, bul 2024 jylǵy kórsetkishpen (23 mlrd teńge) salystyrǵanda 18 mlrd teńgege kóp.
2025 jylǵy iri salyq tóleýshilerdiń qataryna mynalar kirdi: Temu – 6,2 mlrd teńge, Valve Corporation – 5,3 mlrd teńge, Apple – 5,2 mlrd teńge.
Sondai-aq Qazaqstan biýdjetine salyq tólei bastaǵan jańa sheteldik internet-kompaniialardyń ishinde erekshe atap ótýge bolady:
Next Retail Ltd. – halyqaralyq onlain-kiim jáne aksessýarlar riteileri, 283 mln teńge tóledi,Alibaba.com – eń iri saýda internet-platformasy, 142 mln teńge tóledi.
Atap aitqanda:
- QQS tóleýden jaltarǵan nemese shartty tirkeý mindetin oryndamaǵan sheteldik internet-kompaniialarǵa Qazaqstan Respýblikasynyń aýmaǵynda blok qoiý sharalary qoldanylatyn bolady,
- mundai kompaniialardyń tizimi ýákiletti organmen qalyptastyrylyp, resmi internet-resýrsta ashyq túrde jariialanady.
"Atalǵan sharalardy qabyldaý ádil básekelestik ortasyn qalyptastyrýǵa, biznes júrgizý úshin teń jaǵdailardy qamtamasyz etýge jáne Qazaqstannyń tsifrlyq ekonomikasyn odan ári damytýǵa baǵyttalǵan", delingen habarlamada.
