قازاقستاندا شەتەلدٸك ينتەرنەت-پلاتفورمالارعا ققس ەنگٸزٸلگەن سەتتەن باستاپ 116 كومپانييا شارتتى تٸركەۋدەن ٶتتٸ. بۇل شارا تسيفرلىق ەكونوميكانىڭ ەلەمدٸك ٸرٸ ويىنشىلارىن سالىق ٶرٸسٸنە تارتۋعا مٷمكٸندٸك بەردٸ. 2025 جىلى 18 جاڭا شەتەلدٸك كومپانييا تٸركەلدٸ, بۇل سالىقتىق ەكٸمشٸلەندٸرۋدٸڭ قامتۋ اۋقىمىنىڭ ٶسكەنٸن كٶرسەتەدٸ, دەپ حابارلايدى Dalanews.kz.
مەملەكەتتٸك كٸرٸستەر كوميتەتٸنٸڭ مەلٸمەتٸنشە, سالىق ەنگٸزٸلگەن كٷننەن باستاپ شەتەلدٸك ينتەرنەت-كومپانييالار قازاقستان رەسپۋبليكاسىنىڭ بيۋدجەتٸنە 111,6 ملرد تەڭگە تٶلەدٸ. تەك 2025 جىلدىڭ ٶزٸندە تٷسٸمدەر 41,8 ملرد تەڭگەنٸ قۇرادى, بۇل 2024 جىلعى كٶرسەتكٸشپەن (23 ملرد تەڭگە) سالىستىرعاندا 18 ملرد تەڭگەگە كٶپ.
2025 جىلعى ٸرٸ سالىق تٶلەۋشٸلەردٸڭ قاتارىنا مىنالار كٸردٸ: Temu – 6,2 ملرد تەڭگە, Valve Corporation – 5,3 ملرد تەڭگە, Apple – 5,2 ملرد تەڭگە.
سونداي-اق قازاقستان بيۋدجەتٸنە سالىق تٶلەي باستاعان جاڭا شەتەلدٸك ينتەرنەت-كومپانييالاردىڭ ٸشٸندە ەرەكشە اتاپ ٶتۋگە بولادى:
Next Retail Ltd. – حالىقارالىق ونلاين-كيٸم جەنە اكسەسسۋارلار ريتەيلەرٸ, 283 ملن تەڭگە تٶلەدٸ,Alibaba.com – ەڭ ٸرٸ ساۋدا ينتەرنەت-پلاتفورماسى, 142 ملن تەڭگە تٶلەدٸ.
سالىق تەرتٸبٸن كٷشەيتۋ جەنە ادال سالىق تٶلەۋشٸلەردٸڭ مٷددەلەرٸن قورعاۋ ماقساتىندا 2026 جىلعى 1 قاڭتاردان باستاپ جاڭا شارالار ەنگٸزٸلەدٸ.
اتاپ ايتقاندا:
- ققس تٶلەۋدەن جالتارعان نەمەسە شارتتى تٸركەۋ مٸندەتٸن ورىنداماعان شەتەلدٸك ينتەرنەت-كومپانييالارعا قازاقستان رەسپۋبليكاسىنىڭ اۋماعىندا بلوك قويۋ شارالارى قولدانىلاتىن بولادى,
- مۇنداي كومپانييالاردىڭ تٸزٸمٸ ۋەكٸلەتتٸ ورگانمەن قالىپتاستىرىلىپ, رەسمي ينتەرنەت-رەسۋرستا اشىق تٷردە جارييالانادى.
"اتالعان شارالاردى قابىلداۋ ەدٸل بەسەكەلەستٸك ورتاسىن قالىپتاستىرۋعا, بيزنەس جٷرگٸزۋ ٷشٸن تەڭ جاعدايلاردى قامتاماسىز ەتۋگە جەنە قازاقستاننىڭ تسيفرلىق ەكونوميكاسىن ودان ەرٸ دامىتۋعا باعىتتالعان", دەلٸنگەن حابارلامادا.
