Gennadii Golovkin basqaratyn Halyqaralyq World Boxing federatsiiasy resmi saitynda Resei boksshylaryna qatysty barlyq shekteýdiń alynǵanyn habarlady, dep habarlaidy dalanews.kz.
Mundai sheshimdi uiymnyń atqarýshy komiteti Glazgoda ótken otyrysta qabyldady. Jiynda 2028 jyly Los-Andjeleste ótetin Olimpiada oiyndaryna daiyndyqqa bailanysty birqatar mańyzdy másele qaraldy.
Endi Resei boksshylary basqa elderdiń sportshylarymen birdei shartta synǵa túsip, óz eliniń týy men ánuranyn paidalana alady. Alaida uiym reseilik delegatsiialardyń tártibi men dopingke qarsy talaptardyń saqtalýyn qatań baqylaýda ustaitynyn málimdedi.
Bul sheshim áleýmettik jelilerde qyzý talqylanyp jatyr. Kóptegen qazaqstandyq jankúier Gennadii Golovkindi synǵa alyp, onyń basshylyq etip otyrǵan uiymynyń Resei sportshylaryna ulttyq týy men ánuranymen jarysýǵa qaita ruqsat berýine narazylyq bildirýde. Pikir jazǵandardyń bir bóligi mundai sheshimge kóńili tolmaitynyn aityp, Golovkinge ókpe-renishin jasyrmady.
Qazaqstandyq jáne álemdik bokstyń ańyzy Gennadii Golovkin World Boxing uiymyn 2025 jyldan beri basqaryp keledi.
