گەنناديي گولوۆكين باسقاراتىن حالىقارالىق World Boxing فەدەراتسيياسى رەسمي سايتىندا رەسەي بوكسشىلارىنا قاتىستى بارلىق شەكتەۋدٸڭ الىنعانىن حابارلادى, دەپ حابارلايدى dalanews.kz.
مۇنداي شەشٸمدٸ ۇيىمنىڭ اتقارۋشى كوميتەتٸ گلازگودا ٶتكەن وتىرىستا قابىلدادى. جيىندا 2028 جىلى لوس-اندجەلەستە ٶتەتٸن وليمپيادا ويىندارىنا دايىندىققا بايلانىستى بٸرقاتار ماڭىزدى مەسەلە قارالدى.
ەندٸ رەسەي بوكسشىلارى باسقا ەلدەردٸڭ سپورتشىلارىمەن بٸردەي شارتتا سىنعا تٷسٸپ, ٶز ەلٸنٸڭ تۋى مەن ەنۇرانىن پايدالانا الادى. الايدا ۇيىم رەسەيلٸك دەلەگاتسييالاردىڭ تەرتٸبٸ مەن دوپينگكە قارسى تالاپتاردىڭ ساقتالۋىن قاتاڭ باقىلاۋدا ۇستايتىنىن مەلٸمدەدٸ.
بۇل شەشٸم ەلەۋمەتتٸك جەلٸلەردە قىزۋ تالقىلانىپ جاتىر. كٶپتەگەن قازاقستاندىق جانكٷيەر گەنناديي گولوۆكيندٸ سىنعا الىپ, ونىڭ باسشىلىق ەتٸپ وتىرعان ۇيىمىنىڭ رەسەي سپورتشىلارىنا ۇلتتىق تۋى مەن ەنۇرانىمەن جارىسۋعا قايتا رۇقسات بەرۋٸنە نارازىلىق بٸلدٸرۋدە. پٸكٸر جازعانداردىڭ بٸر بٶلٸگٸ مۇنداي شەشٸمگە كٶڭٸلٸ تولمايتىنىن ايتىپ, گولوۆكينگە ٶكپە-رەنٸشٸن جاسىرمادى.
قازاقستاندىق جەنە ەلەمدٸك بوكستىڭ اڭىزى گەنناديي گولوۆكين World Boxing ۇيىمىن 2025 جىلدان بەرٸ باسقارىپ كەلەدٸ.
