Almaty qalasynda VI Halyqaralyq túrkitildes jýrnalister media forýmy ótti. Eki kúnge sozylǵan is-sharanyń ekinshi kúni media ókilderi Ǵylym ordasynyń jumysymen tanysty, dep habarlaidy Dalanews.kz.
Qonaqtardy Ǵylym ordasynyń bas direktory Ular Muqajanov qarsy alyp, uiymnyń negizgi qyzmet baǵyttarymen tanystyrdy. Delegatsiia músheleri qazaq ǵylymynyń qalyptasý tarihymen, tarihi ǵimarattyń arhitektýralyq erekshelikterimen, sondai-aq el ǵylymy men mádenietiniń damýyna negiz bolǵan qundy jádigerlermen tanysty. Restavratsiia jáne konservatsiia ortalyǵynda júzege asyrylyp jatqan halyqaralyq ǵylymi jobalar týraly aqparat berip, halyqaralyq yntymaqtastyqty nyǵaitýǵa múmkindik beretin perspektivalyq baǵyttardy atap ótti.
Kezdesý barysynda Ǵylym ordasyndaǵy Q.I. Sátbaev mýzeiine, Ortalyq ǵylymi kitaphananyń Sirek kitaptar mýzeiine, Arheologiia mýzeiine jáne Tabiǵat mýzeiiniń Paleontologiia zalyna ekskýrsiia uiymdastyryldy. Qonaqtar sirek kitaptar qorymen, kóne jazbalar, qoljazbalar, alǵashqy baspa eńbekter, sondai-aq qazaq ǵylymynyń qalyptasýyna úles qosqan otandyq ǵalymdardyń eńbekterimen tanysty. Arheologiia mýzeiindegi eń qundy ekspozitsiialardyń biri – Esik qorǵanynan tabylǵan «Altyn adam» kiiminiń qalpyna keltirilgen kóshirme nusqasy, sondai-aq Berel qorymyndaǵy №11 qorǵannyń jerleý kamerasynyń rekonstrýktsiiasy men Berel jylqysynyń maketi qonaqtardyń erekshe qyzyǵýshylyǵyn týdyrdy.
Kezdesý sońynda sheteldik delegatsiia ókilderine arnaiy estelik kitaptar tabys etildi. Forým qonaqtarynyń Ǵylym ordasyna kelýi ǵylym men mádenietti ushtastyratyn mańyzdy dialog alańyna ainaldy. Mundai kezdesýler túrkitildes elder arasyndaǵy rýhani bailanysty nyǵaityp, ǵylym men aqparat salasyndaǵy yntymaqtastyqty odan ári arttyra túsetini sózsiz.
