الماتى قالاسىندا VI حالىقارالىق تٷركٸتٸلدەس جۋرناليستەر مەديا فورۋمى ٶتتٸ. ەكٸ كٷنگە سوزىلعان ٸس-شارانىڭ ەكٸنشٸ كٷنٸ مەديا ٶكٸلدەرٸ عىلىم ورداسىنىڭ جۇمىسىمەن تانىستى, دەپ حابارلايدى Dalanews.kz.
قوناقتاردى عىلىم ورداسىنىڭ باس ديرەكتورى ۇلار مۇقاجانوۆ قارسى الىپ, ۇيىمنىڭ نەگٸزگٸ قىزمەت باعىتتارىمەن تانىستىردى. دەلەگاتسييا مٷشەلەرٸ قازاق عىلىمىنىڭ قالىپتاسۋ تاريحىمەن, تاريحي عيماراتتىڭ ارحيتەكتۋرالىق ەرەكشەلٸكتەرٸمەن, سونداي-اق ەل عىلىمى مەن مەدەنيەتٸنٸڭ دامۋىنا نەگٸز بولعان قۇندى جەدٸگەرلەرمەن تانىستى. رەستاۆراتسييا جەنە كونسەرۆاتسييا ورتالىعىندا جٷزەگە اسىرىلىپ جاتقان حالىقارالىق عىلىمي جوبالار تۋرالى اقپارات بەرٸپ, حالىقارالىق ىنتىماقتاستىقتى نىعايتۋعا مٷمكٸندٸك بەرەتٸن پەرسپەكتيۆالىق باعىتتاردى اتاپ ٶتتٸ.
كەزدەسۋ بارىسىندا عىلىم ورداسىنداعى ق.ي. سەتباەۆ مۋزەيٸنە, ورتالىق عىلىمي كٸتاپحانانىڭ سيرەك كٸتاپتار مۋزەيٸنە, ارحەولوگييا مۋزەيٸنە جەنە تابيعات مۋزەيٸنٸڭ پالەونتولوگييا زالىنا ەكسكۋرسييا ۇيىمداستىرىلدى. قوناقتار سيرەك كٸتاپتار قورىمەن, كٶنە جازبالار, قولجازبالار, العاشقى باسپا ەڭبەكتەر, سونداي-اق قازاق عىلىمىنىڭ قالىپتاسۋىنا ٷلەس قوسقان وتاندىق عالىمداردىڭ ەڭبەكتەرٸمەن تانىستى. ارحەولوگييا مۋزەيٸندەگٸ ەڭ قۇندى ەكسپوزيتسييالاردىڭ بٸرٸ – ەسٸك قورعانىنان تابىلعان «التىن ادام» كيٸمٸنٸڭ قالپىنا كەلتٸرٸلگەن كٶشٸرمە نۇسقاسى, سونداي-اق بەرەل قورىمىنداعى №11 قورعاننىڭ جەرلەۋ كامەراسىنىڭ رەكونسترۋكتسيياسى مەن بەرەل جىلقىسىنىڭ ماكەتٸ قوناقتاردىڭ ەرەكشە قىزىعۋشىلىعىن تۋدىردى.
كەزدەسۋ سوڭىندا شەتەلدٸك دەلەگاتسييا ٶكٸلدەرٸنە ارنايى ەستەلٸك كٸتاپتار تابىس ەتٸلدٸ. فورۋم قوناقتارىنىڭ عىلىم ورداسىنا كەلۋٸ عىلىم مەن مەدەنيەتتٸ ۇشتاستىراتىن ماڭىزدى ديالوگ الاڭىنا اينالدى. مۇنداي كەزدەسۋلەر تٷركٸتٸلدەس ەلدەر اراسىنداعى رۋحاني بايلانىستى نىعايتىپ, عىلىم مەن اقپارات سالاسىنداعى ىنتىماقتاستىقتى ودان ەرٸ ارتتىرا تٷسەتٸنٸ سٶزسٸز.
