Akkreditteý jáne reitingtiń táýelsiz agenttigi (IAAR) 2014 jyldan beri Qazaqstan Respýblikasynyń joǵary oqý oryndaryna arnalǵan «JOO talap etýiniń ulttyq reitingin» turaqty túrde ótkizilip keledi. Bul reitingtiń basty maqsaty – bilim berý baǵdarlamalarynyń sapasyn baǵalaý, kadrlardy daiarlaý deńgeiin anyqtaý jáne joǵary oqý oryndarynyń ǵylymi-zertteý qyzmetiniń nátijeliligine súiene otyryp, professor-oqytýshylar quramynyń reitingin jasaý.
Jýyrda IAAR agenttigi bilim berý baǵdarlamalaryn saralaý nátijesinde elimizdiń joǵary oqý oryndarynyń «TOP-50» professor-oqytýshylar quramynyń tizimin jariialady. Bul tizimge elimizdiń jetekshi ǵalymdary endi.
Ǵylym joly – tabandylyqty, zor zeiindi, qajyr-qairatty jáne myqty missiiany talap etetin jaýapty baǵyt. Irgeli ǵylym jetistikteri búginde energiianyń jańa túrlerin óndirýden bastap, tabiǵat qubylystaryn igerý, adam aǵzasynyń tózimdiligin arttyrý, ómir sapasyn jaqsartý siiaqty san alýan baǵytta el damýyna zor úles qosýda.
Otandyq ǵylymnyń kil myqtylaryn anyqtaǵan ulttyq reitingte Jetisý ýniversitetiniń Basqarma Tóraǵasy – Rektory, zań ǵylymdarynyń doktory, professor Ermek Ábiltaiuly Bóribaev alty jyl qatarynan «TOP-50» úzdikter qataryna enip, biyl jalpy reitingte 18-orynǵa turaqtady.
Airyqsha atap óter jait – tehnikalyq jáne jaratylystaný ǵylymdary basym bolǵan úzdik TOP-20-ǵa Ermek Ábiltaiuly gýmanitarlyq ǵylymdar baǵyty boiynsha engen sanaýly jetekshi eki ǵalymnyń biri!
Bul – tek jeke jetistik emes, Jetisý ýniversitetiniń ǵylymi áleýetin aiqyndaityn mańyzdy kórsetkish. Ermek Ábiltaiulynyń jetistigi oqý ornynyń bedelin arttyryp, ujymnyń mereiin ósirdi.
