Germaniiada býndesverge shaqyrý jónindegi jańa erejelerge iligýi múmkin myńdaǵan jas azamat qos azamattyqqa ie. Olardyń qatarynda Resei men Qazaqstan azamattyǵy barlar da bar. Bul týraly 18 qarasha, seisenbi kúni Die Welt gazeti Germaniianyń Federaldyq statistika vedomstvosynyń derekterine súienip jazdy, dep habarlaidy Dalanews.kz.
Jeltoqsanda býndestag shaqyrýdyń jańa tártibin bekitýi tiis: 2026 jyldan bastap Germaniiadaǵy barlyq 18 jastaǵy azamat arnaiy saýalnama toltyryp, keiin áskeri qyzmetke jaramdylyq sanatyn anyqtaý úshin meditsinalyq tekseristen ótedi. Eger eriktiler sany jetkiliksiz bolsa, áskerge jerebe arqyly shaqyrý josparlanyp otyr. Alaida bul másele áli tolyq sheshilgen joq.
Die Welt málimetinshe, 2022 jyldyń mamyr aiynda Germaniiada 2008 jyly týǵan 340 859 er bala turǵan. Solardyń 56 693-i Germaniia azamattyǵymen birge taǵy bir nemese birneshe azamattyqqa ie bolǵan. Olardyń ishinde 3 691-ynyń – Resei, 1 620-synyń – Qazaqstan, 14 463-ynyń – Túrkiia, 4 141-ynyń – Polsha, 3 857-siniń – Italiia, 1 888-iniń – Serbiia, 1 640-ynyń – Marokko azamattyǵy bolǵan.
Gazettiń jazýynsha, saýalnamada ózge azamattyqtardyń bar-joǵyn mindetti túrde kórsetý talap etiledi. Germaniia Qorǵanys ministrligi zań jobasyn ázirleý kezeńinde bul «senimsizdik belgisi emes» ekenin aityp, mundai aqparat Germaniia aldyndaǵy mindettemeler úshin qajet ekenin túsindirgen.
Ýkrainadaǵy soǵys aiasynda Resei azamattyǵy bar bolashaq shaqyrylýshylarǵa qatysty adaldyq, qupiia aqparatqa qoljetimdilik siiaqty máselelerde qiyndyqtar týyndaýy múmkin, dep jazady Die Welt. Qorǵanys ministrligi gazettiń suraýyna: erikti túrde qyzmetke barǵysy keletinderdiń bári «konstitýtsiiaǵa adaldyǵy boiynsha tekserýden ótýi tiis» dep jaýap bergen.
Zańger Ferdinand Veber qos azamattyǵy bar jastardy meditsinalyq tekseristen keiin áskeri qyzmetke jibermeýi múmkin degen pikir bildirdi. Sebebi olarǵa qatysty táýekelder bar. Germaniia SIM-i Germaniia–Resei qos azamattyǵyn alǵan adamdardy Reseige barmaýǵa burynnan eskertip keledi, óitkeni olardy Resei armiiasyna shaqyryp alýy múmkin.
