Transparency International halyqaralyq antikorrýptsiialyq uiymynyń múshesi Ásel Temirova burynǵy qarjy politsiiasy qyzmetkeri Maqsat Dúisenov týraly málimdeme jasady, dep habarlaidy dalanews.kz.
Ol áleýmettik jelidegi jazbasynda ózine qatysty aitylǵan videodan keiin Germaniia politsiiasyna júgingenin habarlady. Temirovanyń aitýynsha, qazaqstandyq jýrnalister oǵan Dúisenov túsken kezekti videony jiberip, pikir suraǵan.
«Shynymdy aitsam, ol videony qaraǵan da joqpyn. Materialdardy birden politsiiaǵa tapsyrdym», – dedi ol.
Onyń sózinshe, keiin úsh saǵat boiy túsinikteme berýge májbúr bolǵan. Ásel Temirova Germaniiada Maqsat Dúisenovke qatysty jala jabý jáne ómirine qaýip tóndirý faktisi boiynsha qylmystyq is tirkelgenin aitty.
«22:51-de qylmystyq is resmi tirkeldi. Sol kúni Dúisenovke kontaktverbot, iaǵni bailanysqa shyǵýǵa tyiym salý sharasy qoldanyldy», – dep jazdy ol.
Temirova endi Dúisenov zańdy buzbaýy tiis ekenin atap ótti. Ásel Temirova burynǵy Almaty qarjy politsiiasynyń basshysy Germaniiada saiasi baspana surap júrgenin aitty.
Onyń sózinshe, Dúisenov Qazaqstanda ózine Qazaqstan Respýblikasynyń Ulttyq qaýipsizdik komiteti tarapynan qaýip bar ekenin málimdegen. Alaida sonymen qatar ózi basqa adamdarǵa ashyq túrde qoqan-loqy kórsetip otyrǵanyn aitty.
«Ol meni jaýlarynyń tizimine qosqanyn ózi jariia túrde aityp otyr. Tipti dostarynyń maǵan qarsy “birnárse uiymdastyrýdy” usynǵanyn da jasyrmady», – dedi Temirova.
Temirova Dúisenovtiń dostaryna da úndeý jasady.
«Qylmys jasaýǵa barmas buryn eki ret oilanyńyzdar. Men únsiz qalatyn adamdardyń qatarynan emespin», – dedi ol.
Sonymen qatar ol áleýmettik jelidegi tartystarǵa aralasqysy kelmeitinin aitty.
«Divanda otyryp aitysý – meniń baǵytym emes. Onyń ústine bul adamdardyń ómirbaianyn eskersek, munyń bári jalyqtyrdy. Sondyqtan olarmen Germaniianyń quqyq qorǵaý organdary ainalyssyn», – dep jazdy Temirova.
Ásel Temirova Qazaqstannyń quqyq qorǵaý organdary men azamattyq qoǵamyna da úndeý jasady. Onyń aitýynsha, Dúisenov Germaniiada otyryp adamdarǵa kamera aldynda qoqan-loqy kórsetip júr.
«Eger Qazaqstandaǵy institýttar shynymen sybailas jemqorlyqpen kúresip, zań ústemdigin qoldaimyz dese, bul jaǵdai nazardan tys qalmaýy kerek», – dedi ol.
Temirova Qazaqstannyń azamattyq qoǵam koalitsiiasyn Germaniianyń kóshi-qon jáne bosqyndar isteri jónindegi federaldyq basqarmasyna (BAMF) resmi úndeý joldaýǵa shaqyrdy.
«Sizderdiń daýystaryńyz mańyzdy. Onyń ústine qylmystyq is te tirkelip qoidy», – dep túiindedi ol.
