Gennadii Golovkin syrttan tapqan tabysyn elge ákeldi
Jańa kásiporynnyń qalypty jumys isteýin «KAZ Ferrit» JShS qadaǵalaityn bolady. Fabrika eski qalanyń mańynda, burynǵy tramvai deposy ornalasqan jerde oryn tepken.
Fabrikanyń tusaýy kesilgen soń Gennadii Golovkin jýrnalisterge qysqasha suhbat berdi. Ataqty sportshy áńgime barysynda kásiporynǵa qansha investitsiia salǵanyn ashyp aitpady. «Túzde tapqan tabystyń bárin úige ákeldik. Jarǵylyq kapitalǵa salǵan aqshanyń mólsherin aita almaimyn. Al kásiporynnyń baqylaý paketi meniń qolymda», – dedi kenshiniń balasy G.Golovkin.
Jańadan ashylǵan kásiporynda Qaraǵandy men Ekibastuzdyń kómiri baiytylatyn bolady. Fabrikanyń qýaty jylyna 500 myń tonna kómirge dep josparlanǵan. Bul jerde bolashaqta 150 adam turaqty túrde jumys isteitin bolady.
Fabrika quryltaishylarynyń qatarynda G.Golovkinnen basqa «KAZ Ferrit» JShS men «Samuryq-Qazyna» ulttyq ál-aýqat qory bar.
Kásiporyn quryltaishylarynyń aitýynsha, jańa fabrikanyń basym baǵyttaǵy mindetiniń biri qorshaǵan ortany qorǵaý men ekologiiany saqtaýǵa erekshe kóńil bólý bolmaq.
Qairat ÁBILDINOV
Derekkózi: «Egemen Qazaqstan» gazeti
