Atyshýly general-maior Novikov pen oǵan qarasty qoǵamdyq qordyń menshigindegi 7 milliard teńgeniń jer telimderi memleketke qaitaryldy.
2014 jyly Almatynyń aýmaǵyn keńeitý kezinde oblysqa kirgen jer ýchaskeleriniń bir bóligi qala quramyna enip ketken.
"Mysaly, Almaty oblysy Qarasai aýdanyndaǵy 30,9 ga jer ýchaskesin "Halyqaralyq klýbtar qaýymdastyǵy" JShS-i (quryltaishysy general-maior Pavel Novikov) qosalqy sharýashylyǵyn júrgizý úshin alǵan. Alaida jer ýchaskesiniń kadastrlyq qunyn tóleý boiynsha óz mindettemelerin oryndamaǵan", – deidi prokýrorlar.
Ol tusta Almaty qalasynyń Nazarbaevtyń nemere inisi Ahmetjan Esimov basqarǵan edi.
Bul týraly aqparatty alǵash depýtat Baqytjan Bazarbek óz paraqshasynda jariialaǵan. "Taý bókterindegi ormandy jer jeke menshikke qalai berilgeni belgisiz" degen edi halyq qalaýlysy.
Keiinnen jerdiń menshik iesi – qorǵanys salasynyń general-moiory P.M.Novikov ekeni anyqtalǵan. Qorǵanys salasynda qyzmet etken P.Novikov kóbine TsSKA, iaǵni Qorǵanys ministrligini Sport komitetinde jumys istegen. Saiasi qairatker idealy retinde N.Á.Nazarbaevty kórsetipti. «Qurmet», «Danq» sekildi kóptegen ordendermen, 18 medalmen marapattalǵan.
Depýtattyń aitýynsha, general P.M.Novikovtyń jerin ainalyp ótý úshin jarty saǵat ýaqyt ketedi eken.
Taý bókterin jotalarymen qosa alǵan generaldyń jeri qorshalyp, shlagbaýmdar qoiylǵan.
https://dalanews.kz/bas-takyryp/91804-angliiada-2672-qazaq-zhan-bagyp-zhur-britani
https://dalanews.kz/saraptama/91888-maqsatym-ulttyq-sportty-damytyp-ul
