اتىشۋلى گەنەرال-مايور نوۆيكوۆ پەن وعان قاراستى قوعامدىق قوردىڭ مەنشىگىندەگى 7 ميلليارد تەڭگەنىڭ جەر تەلىمدەرى مەملەكەتكە قايتارىلدى.
2014 جىلى الماتىنىڭ اۋماعىن كەڭەيتۋ كەزىندە وبلىسقا كىرگەن جەر ۋچاسكەلەرىنىڭ ءبىر بولىگى قالا قۇرامىنا ەنىپ كەتكەن.
"مىسالى، الماتى وبلىسى قاراساي اۋدانىنداعى 30،9 گا جەر ۋچاسكەسىن "حالىقارالىق كلۋبتار قاۋىمداستىعى" ءجشس-ى (قۇرىلتايشىسى گەنەرال-مايور پاۆەل نوۆيكوۆ) قوسالقى شارۋاشىلىعىن جۇرگىزۋ ءۇشىن العان. الايدا جەر ۋچاسكەسىنىڭ كاداسترلىق قۇنىن تولەۋ بويىنشا ءوز مىندەتتەمەلەرىن ورىنداماعان"، – دەيدى پروكۋرورلار.
ول تۇستا الماتى قالاسىنىڭ نازاربايەۆتىڭ نەمەرە ءىنىسى احمەتجان ەسىموۆ باسقارعان ەدى.
بۇل تۋرالى اقپاراتتى العاش دەپۋتات باقىتجان بازاربەك ءوز پاراقشاسىندا جاريالاعان. "تاۋ بوكتەرىندەگى ورماندى جەر جەكە مەنشىككە قالاي بەرىلگەنى بەلگىسىز" دەگەن ەدى حالىق قالاۋلىسى.
كەيىننەن جەردىڭ مەنشىك يەسى – قورعانىس سالاسىنىڭ گەنەرال-مويورى پ.م.نوۆيكوۆ ەكەنى انىقتالعان. قورعانىس سالاسىندا قىزمەت ەتكەن پ.نوۆيكوۆ كوبىنە سسكا، ياعني قورعانىس مينيسترلىگىنى سپورت كوميتەتىندە جۇمىس ىستەگەن. ساياسي قايراتكەر يدەالى رەتىندە ن.ءا.نازاربايەۆتى كورسەتىپتى. «قۇرمەت»، «دانق» سەكىلدى كوپتەگەن وردەندەرمەن، 18 مەدالمەن ماراپاتتالعان.
دەپۋتاتتىڭ ايتۋىنشا، گەنەرال پ.م.نوۆيكوۆتىڭ جەرىن اينالىپ ءوتۋ ءۇشىن جارتى ساعات ۋاقىت كەتەدى ەكەن.
تاۋ بوكتەرىن جوتالارىمەن قوسا العان گەنەرالدىڭ جەرى قورشالىپ، شلاگباۋمدار قويىلعان.
https://dalanews.kz/bas-takyryp/91804-angliiada-2672-qazaq-zhan-bagyp-zhur-britani
https://dalanews.kz/saraptama/91888-maqsatym-ulttyq-sportty-damytyp-ul
