Úkim shyqqanǵa deıingi qamaýda otyrǵan merzimi eskerilgendegi jaza merzimi 10 jyl 3 aıǵa shyqty.
Kegen aýdandyq sotyndaǵy sońǵy sózinde Serik Kúdebaev kinásin moıyndap, aıyppulmen shektelýdi suraǵan.
Bıyl kóktemde sot prosesi júrip jatqanda Serik Kúdebaevtyń elden shyǵyp ketip, sotqa kelmegeni málim bolǵan. Keıin Kúdebaevty Túrkıadan ustap ákelgen. Qazaqstannyń shekara qyzmeti "Serik Kúdebaev Qyrǵyzstanǵa taý arqyly ótip ketken" degen ýáj aıtqan.
28 sáýirde Serik Kúdebaev Qańtar oqıǵasynan keıingi azaptaýlar kezinde qyzmet ókiletin asyra paıdalandy degen aıyppen 10 jylǵa sottalyp, memlekettik nagradalary men polısıa general-maıory sheninen aıyrylǵan.
Tergeý materıaldaryna qaraǵanda, Kúdebaev Qańtar oqıǵasy kezinde "polısıa departamentiniń ǵımaratyn tastap ketken jáne azaptaýlardy uıymdastyrǵan".
