Kásipker Ǵalymjan Esenov "Alel Agro" AQ aktsionerleri quramynan shyqty. Onyń ornyn Grand Yield Inc Ltd jeke kompaniiasy basty, dep habarlaidy Dalanews.kz.
Buǵan deiin Esenovke "Alel Agro" aktsiialarynyń 44,04% úlesi tiesili bolǵan.
"Degenmen Ǵalymjan Esenovtyń aktsiialarǵa ielik etý quqyǵy saqtalady. Endi ol tikelei emes, janama túrde — AHQO-da tirkelgen, Esenov jalǵyz aktsioner bolyp tabylatynyn Grand Yield Inc kompaniiasy arqyly júzege asyrylady", - dep "Alel Agro" Forbes Kazakhstan basylymyna túsinikteme bergen.
Grand Yield Inc. Ltd 2023 jyldyń mamyr aiynan bastap Astana halyqaralyq qarjy ortalyǵynda "tirkelgen". Bul 32,4 mln dollar kapitalǵa ie holdingtik kompaniia. Ol arqyly Esenov birneshe kompaniialardaǵy úlesterin basqarady. Atap aitqanda, Tamos Education mektebi, "Agro Fit Qapshaǵai" aýyl sharýashylyǵy janýarlaryna jem óndirisi, "Almaty Almalary", "Asyl Qus Agro" JShS jáne "Fresh Fruit Kazakhstan" shyryn óndirýshisi.
"Alel Agro" broiler taýyq etin óndirýmen jáne satýmen ainalysady. Almaty oblysynda ornalasqan. Forbes Kazakhstan nusqasy boiynsha, Qazaqstannyń 75 iri jeke kompaniialarynyń reitingine kiredi: 2024 jylǵy túsimi - 45,7 mlrd teńge, ótken jyldyń qorytyndysy boiynsha 4,6 mlrd teńge mólsherinde taza paida tapqan. "Alel Agronyń» aktsionerleri Ǵalymjan Esenovten bólek, Marǵulan Seisembaev (Seimar Ltd arqyly. 20,64% úleske ie) jáne Sáýle Seisembaeva (AGROS Ltd arqyly 13,43% aktsiiaǵa ielik etedi) bolyp tabylady.
