Pandemıaǵa baılanysty bıylǵy is-shara onlaın ótti. Sarapshylar súzgisinen ótken vaksınalar arasynda amerıkalyq Moderna kompanıasy men AQSH-tyń Ulttyq densaýlyq ınstıtýty birlesip ázirlegen preparat úzdik dep tanyldy.
AQSH pen ózge de memleketterde jurtqa edel-jedel salynyp jatqan ekpe sapasy men tıimdiligi turǵysynan AstraZeneca, Bharat Biotech, Janssen, Medicago, Novavax, Pfizer-BioNtech, "Spýtnık V" sekildi vaksınalardy basyp ozdy.
Mamandar Moderna-ny ekpe platformasynda jańa tehnologıa negizinde ázirlengen preparat retinde de joǵary baǵalap, reıtıńtiń tóbe basyna qoıdy.
Dúnıejúzilik densaýlyq saqtaý uıymy mamandarynyń málim etkenindeı Moderna vaksınasynyń COVID-19-dan qorǵaıtyn tıimdiligi alǵashqy dozany alǵan 14 kúnniń ishinde 92 paıyzdy quraǵan.
...
Al orys ǵalymdary Amerıkada ázirlengen vaksınanyń álem boıynsha úzdik atanýynda saıası astar bar dep esepteıdi. "Spýtnık V" vaksınasyn oılap tapqan, Reseıdegi Ulttyq epıdemıologıa ortalyǵynyń dırektory Aleksandr Gınsbýrgtyń aıtýynsha Moderna ekpesin salǵyzǵandar arasynda ólim-jitim kóp.
"Kongres Vashıngtonda ótti. Spýtnıktiń tıimdiligin moıyndaý olar úshin ólimmen teń. Ári syıaqy máselesi bar. Shamamen 100 mlrd dollardyń tóńireginde. Munshama qarajatty Reseıge aýdara salmasy anyq", – deıdi ol.
Aıta ketelik, atalǵan sharada Pfizer jáne BioNTech vaksınalary da joǵary baǵa aldy.
