2021 jyly 21 qazanda Qazaqstan qor birjasy (KASE) jáne Astana International Exchange (AIX) saittarynda «Samuryq-Qazyna» AQ-nyń AQSh dollarymen nominatsiialanǵan bes jyldyq halyqaralyq joǵary qamtamasyz etilmegen boryshtyq obligatsiialarynyń debiýttik shyǵarylymyn ornalastyrýǵa qatysýǵa ótinimder qabyldandy. KASE jáne AIX-te investorlardyń ótinimderin qabyldaý qundy qaǵazdardy shet memlekettiń aýmaǵynda ornalastyrýmen bir mezgilde bastaldy.
Qazaqstandyq investorlar bergen ótinimderdiń jalpy kólemi 216 million dollardy qurady. Jalpy tapsyrystar kitabyn qaraý nátijelerine sáikes atalǵan ornalastyrý boiynsha obligatsiialardy óteý merziminiń aiaqtalýyna deiingi kiristilik jyldyq deńgeii 2,25%-ǵa jetti. Eýroobligatsiialar shyǵarylymynyń kólemi 500 mln AQSh dollaryn, kýpondyq mólsherleme jyldyq 2,00%-dy qurady. Investorlardan túsken jáne qanaǵattandyrylǵan ótinimder boiynsha esep aiyrysý 2021 jyldyń 28 qazanynda júzege asyrylady.
Shyǵarylymnyń basym bóligi (43%) KASE jáne AIX arqyly ótinimderin bergen qazaqstandyq investorlardyń suranysyn qanaǵattandyrý aiasynda ornalastyryldy. Qalǵan bóligi Ulybritaniia (19%), Eýropa (18%, Ulybritaniiany qospaǵanda), AQSh (16%) jáne Aziia (4%) investorlary arasynda bólindi. Jalpy 70-ten astam halyqaralyq investorlardan obligatsiialardy ornalastyrýǵa ótinish kelip tústi.
Eýroobliagtsiialardy ornalastyrýdyń jetekshi qazaqstandyq menedjerleri men býkrannerleri retinde «Fridom Finans» AQ jáne «First Heartland Securities» AQ qatysty. Citigroup Global Markets Limited, MUFG Securities EMEA plc, UBS AG London Branch, VTB Capital plc syndy halyqaralyq bankter birlesken jetekshi menedjerler men býkrannerler retinde áreket etti.
Qaryzdyq qundy qaǵazdar aǵylshyn quqyǵyna sáikes shyǵarylady jáne 144A erejesi men S talaptaryna (Regulation S) sáikes shyǵaryldy.
S&P Global Ratings jáne Fitch Ratings agenttikteri atalǵan eýroobligatsiialar shyǵarylymynyń reitingterin sáikesinshe «BBB-« jáne «BBB» deńgeiinde anyqtady.
Eýroobligatsiialardy eseptegennen keiin emitent KASE jáne AIX-te listing rásimderin aiaqtaýdy josparlap otyr. Sondai-aq, eýroobligatsiialardy London qor birjasynyń (LSE) resmi tizimine engizý josparlandy.
Eýroobligatsiialardy ornalastyrýdan túsetin túsimderdiń maqsaty emitenttiń sindikattalǵan jáne banktik nesieler boiynsha bar qaryzyn qaita qarjylandyrý, sonymen qatar, jalpy korporativtik maqsattardy qarjylandyrý bolyp tabylady.
«Bul «Fridom Finans» qatysqan qundy qaǵazdardyń eń iri shyǵarylymy ǵana emes, sondai-aq, biylǵy qazaqstandyq emitenttiń dollarmen denominatsiialanǵan eń iri eýroobligatsiialarynyń biri bolyp tabylady. Barlyq qatysýshylardyń mámileni júzege asyrýynyń durys strategiiasyn tańdaýynyń arqasynda «Samuryq-Qazyna» AQ debiýttik ornalastyrýynda tek josparly kólemnen shamamen úsh ese artyq jazylymǵa ǵana ie bolyp qana qoimai, uqsas deńgeidegi uiymdardyń qundy qaǵazdarynyń saýdasynan tómen baǵa boiynsha ornalastyrýdy qamtamasyz etken jetkilikti shegine qol jetkizý múmkin boldy.
«Fridom Finans» úshin bul tek sátti tranzaktsiiaǵa qatysý ǵana emes, sondai-aq, málimdelgen suranystyń kólemi men baǵa parametrleri boiynsha batystyń investitsiialyq bankterimen aitarlyqtai básekelestikke túsken qazaqstandyq investorlardyń joǵary belsendiligi óte mańyzdy. Bizdiń oiymyzsha, bul allokatsiia kólemi jergilikti naryqtaǵy mindetti 20%-dan asatyn qazaqstandyq investorlardyń qatysý deńgeii boiynsha eń sátti ornalastyrý. Bizdiń baǵalaýymyzǵa sáikes allokatsiia kólemi jergilikti suranystyń qalypty deńgeiinen de asyp tústi.
«Fridom Finanstyń» obligatsiialardy ornalastyrýǵa qatysýy biz úshin erekshe mańyzdy. Sebebi bizdiń kompaniianyń halyqaralyq obligatsiialardy shyǵarý jáne ornalastyrý boiynsha uiymdastyrýshylar men býkrannerlerdiń biri retindegi debiýti qor naryǵy úshin osyndai mańyzdy mámile aiasynda ótti.
Bul oqiǵa men ornalastyrý barysynda qol jetkizilgen nátijeler bizge «Fridom Finanstyń» investitsiialyq bank retindegi jetistikteri ádil baǵalanatynyna senimdilik berip qana qoimai, sonymen birge osy saladaǵy qyzmetimizdi keńeitýge yntalandyrady», – dep málim etti Freedom Holding Corp-tyń bas atqarýshy direktory Timýr Týrlov.
