Freedom kompaniialar toby jáne Batys Qazaqstan oblysynyń ákimdigi «Qýatty óńirler – el damýynyń draiveri» ulttyq baǵdarlamasynyń sheńberinde Batys Qazaqstan oblysynda múmkindigi shekteýli jandar úshin botanikalyq baq pen sport keshenin salý jobalaryn qarjylandyrý jónindegi memorandýmǵa qol qoidy.
Freedom kompaniiasy osy jobalarǵa 1,9 mlrd teńgege quiýdy óz moinyna alady.
Zamanaýi sport kesheni voleibol, basketbol, shaǵyn fýtbol, kúres jáne sporttyń basqa da túrlerimen ainalysýǵa qajetti barlyq zattarmen jabdyqtalady. Budan basqa, keshende meditsinalyq kabinet, liftiler, dýsh qabyldaý aimaqtary jáne basqa da yńǵaily zattarmen kózdeletin bolady.
Jobany tapsyrý merzimi 2023-2024 jyldardy qamtidy.
Óz kezeginde botanikalyq baq Oral qalasynyń Sholohov pen Esenjanov kósheleri qiylysqan kórikti ári ekologiialyq taza aýdanyndaǵy 13 ga alańda ornalasady dep kútilýde. Jobaǵa sáikes baq aýmaǵynda qoǵamdyq demalys aimaǵy, sý ósimdikteriniń keni, alma men mamyrgúl alleialary, qylqan japyraqty aǵashtar aimaǵy, samaljailar jáne shyǵys stilindegi kompozitsiialar, jylyjai, ulttyq taǵamdar meiramhanasy ornalaspaq.
Jobanyń bastamashysy suryp synaýshy baǵban, «S.I.Isaevty eske alýǵa arnalǵan Halyqaralyq eksperimenttik kollektsiialyq tálimbaq-baǵy» basshysy Qairat Kárimov.
– Bizdiń elimizdiń aldynda qazir sheshýge tiis kóptegen mindetter tur. Prezident qazir qosymsha áleýmettik shyǵyndarǵa belsendi túrde bastama jasaýda. Memleket bul baǵytta kóp jumys atqaryp, qomaqty qarajattar bólýde. Bul rette biz de iri biznestiń ókilderi retinde halyq aldynda óz jaýapkershiligimizdi sezinemiz. Sol sebepti Batys Qazaqstan oblysynyń ákimimen tanysý barysynda áleýmettik bastamalardy qoldaýǵa ýaǵdalastyq. Bul – jobalardy jergilikti kásipkerler men óńir basshysynyń muqiiat pysyqtap, qoldaǵandary qýantady. Bul – qadam Qazaqstannyń barlyq kásipkerlik qoǵamdastyǵy úshin durys belgi bolady degen senimdemin. "Jumyla kótergen júk – jeńil" demekshi, biz birlesip jumsaityn kúsh-jigerimizdiń arqasynda balalarymyz ómir súrýdi armandaityn eldiń irgesin qalap, ózimiz de laiyqty ómir súre alamyz degen senimdimin, – Freedom Holding Corp. Bas atqarýshy direktory Timýr Týrlov. ».
Óz kezeginde Batys Qazaqstan oblysynyń ákimi Ǵali Esqaliev Freedom kompaniialar tobynyń basshysyna alǵysyn bildirdi.
– Iri biznestiń óńirlerdi qoldaýy bul tek igi bastama ǵana emes, sonymen qatar mańyzdy ekonomikalyq ári áleýmettik joba. Sol úshin de, Timýr Týrlovqa bizdiń usynysymyzdy qabyl alyp, oblysymyzda botanikalyq baq pen sport keshenin salý isine kómekteskeni úshin alǵys aitqym keledi. Josparlanǵan jobalar ekologiialyq jaǵdaidy jaqsartý men jasyl jelekter sanyn ulǵaitýǵa da, sondai-aq erekshe qajettilikteri bar turǵyndar úshin sporttyq infraqurylymdy damytýǵa da aitarlyqtai áser etedi degen senimdemin, – dedi oblys ákimi.
