Freedom Holding Corp. kompaniia úshin 2026 jylǵy 31 naýryzda aiaqtalǵan 2026 fiskaldyq jyldyń qarjylyq nátijelerin jariialaidy, dep habarlaidy dalanews.kz.
Timýr Týrlov, Freedom Holding Corp. bas atqarýshy direktory: «2026 qarjylyq jyl Freedom Holding Corp. úshin biznesti júieli túrde nyǵaitý, ekojúieni odan ári keńeitý jáne jańa baǵyttardaǵy strategiialyq bastamalardy iske asyrý kezeńi boldy. Biz túsimniń turaqty ósimin kórsettik, klienttik bazamyzdy ulǵaittyq, negizgi segmentterdegi pozitsiialarymyzdy kúsheittik jáne halyqaralyq ekspansiiany jalǵastyrdyq. Bul nátijeler bizdiń uzaq merzimdi strategiiamyzdyń tiimdiligin, komandamyzdyń joǵary belsendiligin jáne klientterdiń, seriktester men investorlardyń senimin kórsetedi».
2026 jylǵy 31 naýryzda aiaqtalǵan fiskaldyq jyldyń qarjylyq nátijelerine sholý
Kompaniia 2026 qarjylyq jylynda $2 191,3 mln kóleminde jiyntyq túsim kórsetti, bul ótken jyldyń uqsas kezeńindegi $2 044,2 mln kórsetkishimen salystyrǵanda joǵary. Túsim serpini saýdalyq baǵaly qaǵazdarmen jasalǵan operatsiialardan túsken taza qarjylyq nátijeniń ósýimen, taýarlar men qyzmetterdi satýdan túsken túsimniń artýymen jáne týyndy qarjylyq quraldar boiynsha taza paidanyń ósýimen bailanysty.
2026 jylǵy 31 naýryzdaǵy jaǵdai boiynsha aqshalai qarajat pen olardyń balamalarynyń, shekteý qoiylǵan qarajattyń jáne investitsiialyq baǵaly qaǵazdardyń kólemi $5,5 mlrd, jiyntyq aktivter – $13,2 mlrd, al aktsionerlerdiń menshikti kapitaly – $1,5 mlrd qurady. Operatsiialyq qyzmetten túsken taza aqsha aǵyny $185,2 mln-ǵa jetti.
Freedom Holding Corp. quramyna kiretin kompaniialar klientteriniń jalpy sany 8,1 millionǵa deiin ósti, onyń ishinde:brokerlik shottar boiynsha klienttik bazanyń ósýi – 858 myń (+175 myń), banktik qyzmetterdi paidalanýshylar – 5 mln (+2,5 mln), Freedom SuperApp paidalanýshylary – 5,2 mln (+3,4 mln), qarjylyq emes kompaniialardyń klientteri – 1 105 myń (+500 myń).
Ekojúieniń perimetrindegi seriktes kompaniialardyń paidalanýshylaryn esepke alǵandaǵy klientterdiń jalpy sany 14 millionnan asady.
Saýda baǵaly qaǵazdary boiynsha taza paida $158,8 mln qurady, buǵan deiin $57,8 mln mólsherinde shyǵyn bolǵan, bul ósim 2026 qarjylyq jylynda Qazaqstannyń egemendi baǵaly qaǵazdaryn jáne korporativtik boryshtyq baǵaly qaǵazdaryn satýdan túsken iske asyrylǵan taza paidaǵa bailanysty.
Taýarlar men qyzmetterdi satýdan túsken túsimniń ósýi, negizinen, Freedom Cloud Holding kompaniiasyn satyp alǵannan keiin telekommýnikatsiia sektoryna shyǵýmen jáne Arbuz.kz-tegi klienttik belsendilik pen tapsyrys kóleminiń artýymen bailanysty.
Týyndy qarjylyq quraldar boiynsha taza paidanyń ósýi, negizinen, Freedom Bank KZ-tegi valiýtalyq svoptardyń oń qaita baǵalanýyna jáne ótken jylmen salystyrǵanda iske asyrylǵan paidanyń ulǵaiýyna bailanysty.
Taza saqtandyrý kirisi ótken kezeńdegi $571,2 mln-men salystyrǵanda $402,4 mln qurady, bul Qazaqstan Respýblikasynyń zańnamasyndaǵy ózgeristerge bailanysty, qaryz alýshylarǵa saqtandyrý polisterin satý úshin kredittik uiymdarǵa agenttik tólemderge qatysty.
Jalpy shyǵystar 2026 qarjylyq jylynda ótken jylǵy $1 899,6 mln-men salystyrǵanda shamamen $1 965,3 mln qurady, bul jalaqy men bonýstardyń, jalpy jáne ákimshilik shyǵystardyń, sondai-aq satýdyń ózindik qunynyń ósýine bailanysty. Ósim komissiialyq shyǵystar men paiyzdyq shyǵystardyń azaiýy esebinen ishinara óteldi.
2026 fiskaldyq jyly «Freedom Shapaǵat» korporativtik qory arqyly ornyqty damý jobalaryn iske asyrýǵa $61,1 mln baǵyttaldy.
Qarjylyq jyldyń tórtinshi toqsanyndaǵy mańyzdy oqiǵa - turaqty rebalanstaý aiasynda Freedom Holding Corp. aktsiialarynyń ITS World indeksiniń quramyna engizilýi boldy.
2026 jylǵy naýryzda Freedom Holding Corp. enshiles kompaniiasy - Freedom Finansal Hizmetler A.Ş. - TurkishBank tobyna kiretin Turkish Bank A.Ş. aktsionerlik kapitalynyń 99,32%-yn satyp alý týraly kelisimge (SPA) qol qoidy. Qazirgi ýaqytta retteýshi organnyń maquldaý kezeńinde turǵan bul mámile - Freedom Finansal Hizmetler kompaniiasynyń Freedom Yatirim enshiles brokerlik kompaniiasyn qurýǵa ruqsat alýynan keiingi Freedom Holding Corp. úshin Túrkiiadaǵy kezekti mańyzdy strategiialyq qadam bolyp tabylady.
2025 jylǵy 25 aqpanda Kompaniia ChessBase GmbH kompaniiasynyń 100% úlesin satyp alý týraly kelisimshart jasasty. 2026 jylǵy 31 naýryzdaǵy jaǵdai boiynsha mámile áli jabylǵan joq jáne jabylýdyń belgili bir sharttarynyń oryndalýyna bailanysty bolyp qaldy.
