Freedom Holding Corp. kompanıasy 2026 fıskaldy jylǵy İİ toqsandaǵy qarjy nátıjelerin jarıalady, atalǵan fıskaldy jyl kompanıa úshin 30 qyrkúıekte aıaqtaldy.

Tımýr Týrlov, Freedom Holding Corp. kompanıasynyń bas atqarýshy dırektory: «Biz 2026 qarjy jylynyń ekinshi toqsanynda Freedom Holding Corp. kompanıasynyń ornyqty ósýiniń kelesi kezeńine irgetas qurý úshin maqsatty túrde ınvestısıa quıýdy jalǵastyrdyq. Bizdiń nátıjelerimiz - bıznestiń negizgi baǵyttarynyń áleýetin keńeıtýde, sıfrlyq jáne qarjylyq ınfraqurylymdy nyǵaıtýda jáne kompanıany bolashaqta keńeıtip, tıimdilikti arttyrýǵa daıyndaýda sanaly sheshimniń kórinisi. Biz qazir transformasıanyń belsendi kezeńindemiz - biryńǵaı platformada brokerlik qyzmet kórsetýdi, kórsetiletin bank jáne saqtandyrý qyzmetterin, telekomýnıkasıalardy jáne jańa sıfrlyq senvısterdi biriktiretin ıntegrasıalanǵan tehnologıalyq ekojúıe quryp jatyrmyz. Bul kezeń bolashaqta neǵurlym mol tabys tabýǵa múmkindik beretin operasıalyq irgetasty qalyptastyrý úshin tártipti shyǵyndy talap etedi. Biz bul shyǵyndy klıentterimizdiń múddesi úshin strategıalyq ınvestısıa retinde qarastyramyz. Biz qarjylyq ekojúıemizdi qamtýdy keńeıtý, tehnologıalyq ınfraqurylymdy keńeıtý jáne negizgi bıznestiń tabystylyǵyn arttyrý sıaqty uzaq merzimdi strategıamyzdy iske asyrýǵa basty nazar aýdarýdy jalǵastyramyz. Búgin qalap otyrǵan irgetasymyzdyń arqasynda Freedom Holding Corp. ornyqty ósýge qol jetkizip, operasıalyq qyzmettiń tıimdiligin arttyryp, aldaǵy jyldary aksıonerler úshin qundylyqty arttyra alady».

2025 jylǵy 30 qyrkúıekte aıaqtalǵan úsh aıdaǵy qarjylyq nátıjelerge sholý

Kompanıa ótken jyldyń uqsas kezeńindegi 586,1 mln AQSH dollarymen salystyrǵanda 2026 qarjy jylynyń ekinshi toqsany úshin 526,1 mln AQSH dollary mólsherinde jıyntyq túsimdi (taza) kórsetti. Túsimniń serpini komısıalyq kiristiń, paıyzdyq kiristiń jáne taýarlardy satýdan jáne qyzmet kórsetýden túsken túsimniń ósýine baılanysty, ol qaıta saqtandyrýdy shegere otyryp alynǵan saqtandyrý syılyqaqylarynyń azaıýymen, saýda baǵaly qaǵazdarymen jasalǵan operasıalardan taza qarjylyq nátıjeniń tómendeýimen, sondaı-aq týyndy qarjy quraldary boıynsha taza shyǵynmen óteldi.

2025 jylǵy 30 qyrkúıektegi jaǵdaı boıynsha qarajat pen onyń balamasynyń, shekteýli qarajat pen ınvestısıalyq baǵaly qaǵazdardyń kólemi 4,5 mlrd AQSH dollaryn qurady, jıyntyq aktıvter 10,3 mlrd AQSH dollaryn, al aksıonerlerdiń menshikti kapıtaly 1,2 mlrd AQSH dollaryn qurady. Operasıalyq qyzmetten túsken taza aqsha aǵyny 1 mlrd AQSH dollaryna jetti.

Klıentterdiń jalpy sany 6,2 mln AQSH dollaryna deıin ósti, oǵan 2026 f.j. II toqsandaǵy barlyq úsh negizgi bıznes segmentiniń klıentter qorynyń ósýi kiredi: brokerlik shottar 776 myń (93 myńnan astam), saqtandyrý kompanıalarynyń klıentteri 1,3 mln (115 myńnan astam), kórsetiletin bank qyzmetterin paıdalanýshylar 3,6 mln (1,102 myńnan astam), Freedom SuperApp-ty paıdalanýshylar 3,1 mln (766 myńnan astam).

Komısıalar men alymdardan túsetin kiris 121,1 mln AQSH  dollaryna qaraǵanda 132,2 mln AQSH dollaryna deıin ósti, bul, eń aldymen, kórsetiletin bank qyzmetteriniń kirisi men tólemderdi óńdeýdiń tómendeýimen ishinara ótelgen brokerlik kórsetiletin qyzmetterdiń kirisi men agenttik komısıalardyń ósýine baılanysty.

Saýda baǵaly qaǵazdar boıynsha taza paıda 68,3 mln AQSH dollaryna qaraǵanda 37,1 mln AQSH dollaryn qurady, onyń osylaısha tómendeýi jergilikti borysh naryǵyndaǵy qysqa merzimdi rallıden keıin qazaqstandyq korporatıvtik oblıgasıalardy tıimdi naryqtyq baǵamen satýdan týyndady.

Jalpy shyǵyn 2026 qarjy jylynyń ekinshi toqsanynda 457,7 mln AQSH dollaryna qaraǵanda shamamen 465,6 mln AQSH dollaryn qurady, bul eńbekaqy tóleý qory men bonýstardyń, saqtandyrý tólemderiniń, kásibı qyzmet shyǵynynyń jáne aksıalardyń ótemaqysynyń ósýine baılanysty.

Esepti kezeńdegi mańyzdy oqıǵalar

S&P halyqaralyq reıtıńtik agenttigi «Freedom Life» ÓSK» AQ-tyń uzaq merzimdi kredıttik jáne qarjylyq ornyqtylyq reıtıńin «BB» deńgeıinen «BB+» deńgeıine deıin kóterdi. Sondaı-aq, kompanıanyń ulttyq shkala boıynsha reıtıńi «kzAA-»-ten «kzAA»-ǵa deıin kóterildi. Reıtıń boıynsha boljam – «Turaqty».

Aǵymdaǵy jylǵy tamyz aıynda álemdegi eń iri BlackRockd, Inc. ınvestısıalyq kompanıasy FRHC kompanıasynyń aksıalaryna ıelik etý úlesin 0,85%-ǵa deıin ulǵaıtyp, kompanıanyń qaǵazdaryna 89 mln AQSH dollaryna jýyq ınvestısıa quıdy. BlackRock ınvestısıalyq kompanıasy Freedom Holding Corp. kompanıasynyń negizin qalaýshy jáne bas atqarýshy dırektory Tımýr Týrlovtan keıin ekinshi iri aksıoneri atandy.

Freedom Holding Corp. aksıalarynyń The Motley Fool konsaltıńtik kompanıasy qurǵan Moneyball ınvestısıalyq portfeline qosylýy da mańyzdy oqıǵa boldy. FRHC qaǵazdaryna «Satyp alý» týraly ınvestısıalyq usynym berildi. Moneyball - The Motley Fool kompanıasynyń flagmandyq ınvestısıalyq strategıalarynyń biri. Jyl saıyn sarapshylar komandasy tereń irgeli taldaýǵa, naryqtyq úrdisterdi baǵalaýǵa jáne óziniń jasandy ıntellekt platformasynyń derekterine súıene otyryp, bolashaǵy zor 250 kompanıany tańdaıdy.

2025 jylǵy qazan aıynda Freedom Holding Corp. vırtýaldy valútamen jumys isteý boıynsha qyzmetter kórsetýge mamandanǵan Wallet Solutions kompanıasyndaǵy 100% úlesti satyp alýǵa shart jasasty. Mámile somasy 1,9 mln AQSH dollaryn quraıdy jáne ol aıaqtalyp qaldy. Osyndaı satyp alýdyń arqasynda holdıń sıfrlyq qarjy ónimderiniń spektrin keńeıtip, zamanaýı qarjy tehnologıasy sheshimderi naryǵyndaǵy ornyn kúsheıte alady.

2025 jylǵy shilde-qyrkúıek aılarynda «Freedom Shapaǵat» korporatıvtik qory ornyqty damý jobalaryn iske asyrýǵa 16,5 mln AQSH dollaryn jiberdi.

7 qarasha Freedom Holding Corp. pen Qazaqstan Respýblıkasynyń Jasandy ıntellekt jáne sıfrlyq damý mınıstrligi NVIDIA jasandy ıntellekttiń táýelsiz ekzaskeıl-ınfraqurylymy men daryndyq qasıetterdi damytý bastamalarynyń kómegimen Qazaqstan men Ortalyq Azıanyń JI (jasandy ıntellekt) salasyndaǵy kóshbasshylyǵyn nyǵaıtý jónindegi josparlaryn jarıalady.

Bul komandalyq bastama Freedom Holding Corp. basqaratyn, NVIDIA jasandy ıntellekt ınfraqurylymyna negizdelgen Qazaqstandyq táýelsiz jasandy ıntellekt ortalyǵyn qurý josparlaryn qosa alǵanda, kezeńdik tásildi kózdeıdi.

Mınıstrlik keń aýqymdy jasandy ıntellekt ınfraqurylymyn ornalastyrý jáne paıdalaný úshin qolaıly jaǵdaılar jasaýǵa yqpal etedi, sondaı-aq ınjenerler men taldaýshylardy daıarlaý úshin jasandy ıntellekt akademıasy men zertteý zerthanasyn qurý sıaqty bastamalardy qoldaıdy. Quny 2 mlrd AQSH dollary bolatyn kútiletin joba Qazaqstanda qoljetimdi qýattylyǵy 100 MVt alańda iske asyrylady. Freedom Holding Corp. qarjylandyrý jáne iske asyrý boıynsha negizgi seriktes bolýǵa nıetti.