Freedom Holding Corp. كومپانياسى 2026 فيسكالدى جىلعى ءىى توقسانداعى قارجى ناتيجەلەرىن جاريالادى، اتالعان فيسكالدى جىل كومپانيا ءۇشىن 30 قىركۇيەكتە اياقتالدى.

تيمۋر تۋرلوۆ، Freedom Holding Corp. كومپانياسىنىڭ باس اتقارۋشى ديرەكتورى: «ءبىز 2026 قارجى جىلىنىڭ ەكىنشى توقسانىندا Freedom Holding Corp. كومپانياسىنىڭ ورنىقتى ءوسۋىنىڭ كەلەسى كەزەڭىنە ىرگەتاس قۇرۋ ءۇشىن ماقساتتى تۇردە ينۆەستيسيا قۇيۋدى جالعاستىردىق. ءبىزدىڭ ناتيجەلەرىمىز - بيزنەستىڭ نەگىزگى باعىتتارىنىڭ الەۋەتىن كەڭەيتۋدە، سيفرلىق جانە قارجىلىق ينفراقۇرىلىمدى نىعايتۋدا جانە كومپانيانى بولاشاقتا كەڭەيتىپ، تيىمدىلىكتى ارتتىرۋعا دايىنداۋدا سانالى شەشىمنىڭ كورىنىسى. ءبىز ءقازىر ترانسفورماسيانىڭ بەلسەندى كەزەڭىندەمىز - ءبىرىڭعاي پلاتفورمادا بروكەرلىك قىزمەت كورسەتۋدى، كورسەتىلەتىن بانك جانە ساقتاندىرۋ قىزمەتتەرىن، تەلەكوممۋنيكاسيالاردى جانە جاڭا سيفرلىق سەنۆيستەردى بىرىكتىرەتىن ينتەگراسيالانعان تەحنولوگيالىق ەكوجۇيە قۇرىپ جاتىرمىز. بۇل كەزەڭ بولاشاقتا نەعۇرلىم مول تابىس تابۋعا مۇمكىندىك بەرەتىن وپەراسيالىق ىرگەتاستى قالىپتاستىرۋ ءۇشىن ءتارتىپتى شىعىندى تالاپ ەتەدى. ءبىز بۇل شىعىندى كليەنتتەرىمىزدىڭ مۇددەسى ءۇشىن ستراتەگيالىق ينۆەستيسيا رەتىندە قاراستىرامىز. ءبىز قارجىلىق ەكوجۇيەمىزدى قامتۋدى كەڭەيتۋ، تەحنولوگيالىق ينفراقۇرىلىمدى كەڭەيتۋ جانە نەگىزگى بيزنەستىڭ تابىستىلىعىن ارتتىرۋ سياقتى ۇزاق مەرزىمدى ستراتەگيامىزدى ىسكە اسىرۋعا باستى نازار اۋدارۋدى جالعاستىرامىز. بۇگىن قالاپ وتىرعان ىرگەتاسىمىزدىڭ ارقاسىندا Freedom Holding Corp. ورنىقتى وسۋگە قول جەتكىزىپ، وپەراسيالىق قىزمەتتىڭ تيىمدىلىگىن ارتتىرىپ، الداعى جىلدارى اكسيونەرلەر ءۇشىن قۇندىلىقتى ارتتىرا الادى».

2025 جىلعى 30 قىركۇيەكتە اياقتالعان ءۇش ايداعى قارجىلىق ناتيجەلەرگە شولۋ

كومپانيا وتكەن جىلدىڭ ۇقساس كەزەڭىندەگى 586،1 ملن اقش دوللارىمەن سالىستىرعاندا 2026 قارجى جىلىنىڭ ەكىنشى توقسانى ءۇشىن 526،1 ملن اقش دوللارى مولشەرىندە جيىنتىق ءتۇسىمدى (تازا) كورسەتتى. ءتۇسىمنىڭ سەرپىنى كوميسسيالىق كىرىستىڭ، پايىزدىق كىرىستىڭ جانە تاۋارلاردى ساتۋدان جانە قىزمەت كورسەتۋدەن تۇسكەن ءتۇسىمنىڭ وسۋىنە بايلانىستى، ول قايتا ساقتاندىرۋدى شەگەرە وتىرىپ الىنعان ساقتاندىرۋ سىيلىقاقىلارىنىڭ ازايۋىمەن، ساۋدا باعالى قاعازدارىمەن جاسالعان وپەراسيالاردان تازا قارجىلىق ناتيجەنىڭ تومەندەۋىمەن، سونداي-اق تۋىندى قارجى قۇرالدارى بويىنشا تازا شىعىنمەن وتەلدى.

2025 جىلعى 30 قىركۇيەكتەگى جاعداي بويىنشا قاراجات پەن ونىڭ بالاماسىنىڭ، شەكتەۋلى قاراجات پەن ينۆەستيسيالىق باعالى قاعازداردىڭ كولەمى 4،5 ملرد اقش دوللارىن قۇرادى، جيىنتىق اكتيۆتەر 10،3 ملرد اقش دوللارىن، ال اكسيونەرلەردىڭ مەنشىكتى كاپيتالى 1،2 ملرد اقش دوللارىن قۇرادى. وپەراسيالىق قىزمەتتەن تۇسكەن تازا اقشا اعىنى 1 ملرد اقش دوللارىنا جەتتى.

كليەنتتەردىڭ جالپى سانى 6،2 ملن اقش دوللارىنا دەيىن ءوستى، وعان 2026 ف.ج. II توقسانداعى بارلىق ءۇش نەگىزگى بيزنەس سەگمەنتىنىڭ كليەنتتەر قورىنىڭ ءوسۋى كىرەدى: بروكەرلىك شوتتار 776 مىڭ (93 مىڭنان استام)، ساقتاندىرۋ كومپانيالارىنىڭ كليەنتتەرى 1،3 ملن (115 مىڭنان استام)، كورسەتىلەتىن بانك قىزمەتتەرىن پايدالانۋشىلار 3،6 ملن (1،102 مىڭنان استام)، Freedom SuperApp-تى پايدالانۋشىلار 3،1 ملن (766 مىڭنان استام).

كوميسسيالار مەن الىمداردان تۇسەتىن كىرىس 121،1 ملن اقش  دوللارىنا قاراعاندا 132،2 ملن اقش دوللارىنا دەيىن ءوستى، بۇل، ەڭ الدىمەن، كورسەتىلەتىن بانك قىزمەتتەرىنىڭ كىرىسى مەن تولەمدەردى وڭدەۋدىڭ تومەندەۋىمەن ءىشىنارا وتەلگەن بروكەرلىك كورسەتىلەتىن قىزمەتتەردىڭ كىرىسى مەن اگەنتتىك كوميسسيالاردىڭ وسۋىنە بايلانىستى.

ساۋدا باعالى قاعازدار بويىنشا تازا پايدا 68،3 ملن اقش دوللارىنا قاراعاندا 37،1 ملن اقش دوللارىن قۇرادى، ونىڭ وسىلايشا تومەندەۋى جەرگىلىكتى بورىش نارىعىنداعى قىسقا مەرزىمدى رالليدەن كەيىن قازاقستاندىق كورپوراتيۆتىك وبليگاسيالاردى ءتيىمدى نارىقتىق باعامەن ساتۋدان تۋىندادى.

جالپى شىعىن 2026 قارجى جىلىنىڭ ەكىنشى توقسانىندا 457،7 ملن اقش دوللارىنا قاراعاندا شامامەن 465،6 ملن اقش دوللارىن قۇرادى، بۇل ەڭبەكاقى تولەۋ قورى مەن بونۋستاردىڭ، ساقتاندىرۋ تولەمدەرىنىڭ، كاسىبي قىزمەت شىعىنىنىڭ جانە اكسيالاردىڭ وتەماقىسىنىڭ وسۋىنە بايلانىستى.

ەسەپتى كەزەڭدەگى ماڭىزدى وقيعالار

S&P حالىقارالىق رەيتينگتىك اگەنتتىگى «Freedom Life» وسك» اق-تىڭ ۇزاق مەرزىمدى كرەديتتىك جانە قارجىلىق ورنىقتىلىق رەيتينگىن «BB» دەڭگەيىنەن «BB+» دەڭگەيىنە دەيىن كوتەردى. سونداي-اق، كومپانيانىڭ ۇلتتىق شكالا بويىنشا رەيتينگى «kzAA-»-تەن «kzAA»-عا دەيىن كوتەرىلدى. رەيتينگ بويىنشا بولجام – «تۇراقتى».

اعىمداعى جىلعى تامىز ايىندا الەمدەگى ەڭ ءىرى BlackRockd، Inc. ينۆەستيسيالىق كومپانياسى FRHC كومپانياسىنىڭ اكسيالارىنا يەلىك ەتۋ ۇلەسىن 0،85%-عا دەيىن ۇلعايتىپ، كومپانيانىڭ قاعازدارىنا 89 ملن اقش دوللارىنا جۋىق ينۆەستيسيا قۇيدى. BlackRock ينۆەستيسيالىق كومپانياسى Freedom Holding Corp. كومپانياسىنىڭ نەگىزىن قالاۋشى جانە باس اتقارۋشى ديرەكتورى تيمۋر تۋرلوۆتان كەيىن ەكىنشى ءىرى اكسيونەرى اتاندى.

Freedom Holding Corp. اكسيالارىنىڭ The Motley Fool كونسالتينگتىك كومپانياسى قۇرعان Moneyball ينۆەستيسيالىق پورتفەلىنە قوسىلۋى دا ماڭىزدى وقيعا بولدى. FRHC قاعازدارىنا «ساتىپ الۋ» تۋرالى ينۆەستيسيالىق ۇسىنىم بەرىلدى. Moneyball - The Motley Fool كومپانياسىنىڭ فلاگماندىق ينۆەستيسيالىق ستراتەگيالارىنىڭ ءبىرى. جىل سايىن ساراپشىلار كومانداسى تەرەڭ ىرگەلى تالداۋعا، نارىقتىق ۇردىستەردى باعالاۋعا جانە ءوزىنىڭ جاساندى ينتەللەكت پلاتفورماسىنىڭ دەرەكتەرىنە سۇيەنە وتىرىپ، بولاشاعى زور 250 كومپانيانى تاڭدايدى.

2025 جىلعى قازان ايىندا Freedom Holding Corp. ۆيرتۋالدى ۆاليۋتامەن جۇمىس ىستەۋ بويىنشا قىزمەتتەر كورسەتۋگە ماماندانعان Wallet Solutions كومپانياسىنداعى 100% ۇلەستى ساتىپ الۋعا شارت جاساستى. مامىلە سوماسى 1،9 ملن اقش دوللارىن قۇرايدى جانە ول اياقتالىپ قالدى. وسىنداي ساتىپ الۋدىڭ ارقاسىندا حولدينگ سيفرلىق قارجى ونىمدەرىنىڭ سپەكترىن كەڭەيتىپ، زاماناۋي قارجى تەحنولوگياسى شەشىمدەرى نارىعىنداعى ورنىن كۇشەيتە الادى.

2025 جىلعى شىلدە-قىركۇيەك ايلارىندا «Freedom شاپاعات» كورپوراتيۆتىك قورى ورنىقتى دامۋ جوبالارىن ىسكە اسىرۋعا 16،5 ملن اقش دوللارىن جىبەردى.

7 قاراشا Freedom Holding Corp. پەن قازاقستان رەسپۋبليكاسىنىڭ جاساندى ينتەللەكت جانە سيفرلىق دامۋ مينيسترلىگى NVIDIA جاساندى ينتەللەكتتىڭ تاۋەلسىز ەكزاسكەيل-ينفراقۇرىلىمى مەن دارىندىق قاسيەتتەردى دامىتۋ باستامالارىنىڭ كومەگىمەن قازاقستان مەن ورتالىق ازيانىڭ جي (جاساندى ينتەللەكت) سالاسىنداعى كوشباسشىلىعىن نىعايتۋ جونىندەگى جوسپارلارىن جاريالادى.

بۇل كوماندالىق باستاما Freedom Holding Corp. باسقاراتىن، NVIDIA جاساندى ينتەللەكت ينفراقۇرىلىمىنا نەگىزدەلگەن قازاقستاندىق تاۋەلسىز جاساندى ينتەللەكت ورتالىعىن قۇرۋ جوسپارلارىن قوسا العاندا، كەزەڭدىك ءتاسىلدى كوزدەيدى.

مينيسترلىك كەڭ اۋقىمدى جاساندى ينتەللەكت ينفراقۇرىلىمىن ورنالاستىرۋ جانە پايدالانۋ ءۇشىن قولايلى جاعدايلار جاساۋعا ىقپال ەتەدى، سونداي-اق ينجەنەرلەر مەن تالداۋشىلاردى دايارلاۋ ءۇشىن جاساندى ينتەللەكت اكادەمياسى مەن زەرتتەۋ زەرتحاناسىن قۇرۋ سياقتى باستامالاردى قولدايدى. قۇنى 2 ملرد اقش دوللارى بولاتىن كۇتىلەتىن جوبا قازاقستاندا قولجەتىمدى قۋاتتىلىعى 100 مۆت الاڭدا ىسكە اسىرىلادى. Freedom Holding Corp. قارجىلاندىرۋ جانە ىسكە اسىرۋ بويىنشا نەگىزگى سەرىكتەس بولۋعا نيەتتى.