Kúni keshe ǵana Freedom Holding Corp. kompaniiasy Almatyda jýrnalisterdiń qatysýymen «Freedom Practicum: Trendterdi taldaý, Tehnologiialar jáne Analitika» atty seminar-keńes uiymdastyryp, tilshileri qaýymy Freedom ekojúiesine kiretin kompaniialardyń sarapshylarynyń ózekti taldaýlar tyńdap, kókeiindegi júrgen suraqtaryn qoiyp, tushymdy jaýap aldy.
Tsifrlyq transformatsiia igiligi
Freedom ekojúiesi – Qazaqstannyń qarjy jáne tehnologiia naryǵyndaǵy jetekshi oiynshylardyń biri ekeni kópshilikke málim. Qarjylyq kompaniia tsifrlyq transformatsiiany belsendi júrgizip, túrli salada innovatsiialyq sheshimder usynyp keledi. Onyń negizgi jetistikteri qarjy tehnologiialary, elektrondyq kommertsiia, tsifrlyq banking jáne mobildi tólem júieleri siiaqty baǵyttarda quraitynyn bilemiz.
Jiyn barysynda biringi bolyp sóz alǵan «Fridom bank Qazaqstan» AQ direktorlar keńesiniń múshesi Aidos Jumaǵulov Freedom ekojúiesiniń elimizde qarjy, tólemder jáne investitsiia salalaryn jańa deńgeige kóterýge barynsha yqpal etken Freedom SuperApp qosymshasynyń qyzmeti jaiynda keńinen áńgimelep berdi. Búginde atalǵan qosymsha paidalanýshylar úshin barlyq qarjylyq jáne kommertsiialyq qyzmetterdi bir platformada biriktirip, mańyzdy qyzmetterge qoljetimdilikti arttyrǵanyn bilemiz.
– Qazirgi tańda Freedom SuperApp – dástúrli banking pen investitsiiadan bastap, kúndelikti tólemder men onlain saýdaǵa deiingi qyzmetterdi biriktiretin zamanaýi tsifrlyq qurylymǵa ainalyp otyr. Onyń basty ereksheligi – paidalanýshylarǵa «bári bir jerde» qaǵidaty boiynsha keshendi túrde qyzmet kórsetetinimen erekshelenedi, – Aidos Jumaǵulov myrza.
Aitsa aitqandai qazir qosymsha arqyly Freedom Bank qyzmetterin tolyqqandy paidalanýǵa keńinen jol ashqan. Tutynýshylar onlain shot ashý, tólem kartalaryn basqarý, nesie alý, depozit ashý, halyqaralyq aýdarymdar jasaý siiaqty qyzmetterdi ońai júzege asyra alady. Barlyq operatsiialar tsifrlandyrylǵan, bul dástúrli bank bólimshelerine barý qajettiligin azaityp, klientterge ýaqyt únemdeýge múmkindik bergenin aita ketýimiz kerek.
Sonymen qatar, Freedom SuperApp investitsiia quraldaryn usynady. Qosymshada Freedom Broker júiesimen integratsiia ornatylyp, klientterge álemdik birjalarǵa shyǵý, aktsiialar men obligatsiialardy satyp alý jáne satý, qarjy naryǵynyń jańalyqtaryn baqylaý múmkindik berip otyr. Investitsiialyq servisterdiń osylaisha bir platformada usynylýy Qazaqstandaǵy tsifrlyq qarjy júiesiniń damýyna barynsha yqpal etýde.
Qazirgi tańda Freedom Finance kompaniiasy Qazaqstanda tsifrlyq bankingti damytýdyń flagmanyna ainalyp otyr.
Onyń mobildi qosymshalary men onlain qyzmetteri qarjy operatsiialaryn júrgizýdi barynsha jeńildetip, halyqqa dástúrli bank qyzmetterin qoljetimdi etýde. Sondyqtan Freedom Bank Qazaqstandaǵy alǵashqy tolyq tsifrlanǵan bank degen mártebeli atqa ie bolýda. Klientterin qaǵazbastylyqtan aryltyp, tiimdi qyzmet kórsetý júiesin qalyptastyrdy. Sonymen qatar, bank klientterdi qashyqtan identifikatsiialaý tehnologiialaryn belsendi túrde qoldanyp kele jatqanyn atap aitýǵa bolady.
Avtosaqtandyrý salasyn qandai ózgerister kútip tur?
Seminar barysynda «Freedom Insurance» AQ Basqarma tóraǵasy Azamat Kerimbaev biyl sáýir aiynan bastap elimizdiń avtosaqtandyrý salasy qandai ózgeristermen betpe bet keletinin áńgimelep berdi.
Qazirgi tańda Qazaqstandaǵy avtosaqtandyrý salasyndaǵy bonýs-malýs júiesi jumys isteitini bilgili. Atalǵan júie elimizdegi mindetti avtokólik saqtandyrýynda qoldanylatyn jeńildik pen aiyppul júiesi ekenin aita ketýimiz kerek. Bonýs-malýs júiesi júrgizýshiniń saqtandyrý tarihyna bailanysty onyń saqtandyrý syiaqysynyń mólsherin anyqtaidy. Biyl osy júiege birqatar ózgerister enbeshi.
Óz kezegine jýrnalister qaýymy Azamat Kerimbaevtan depýtatatyrdyń ishimdik iship alyp, kólik júrgizetin azamattarǵa qarsy qoldanylatynan jazany tómendetý birshama tómendetý máselesine qalai qaraiytynyn surady.
– Qazirgi tańda ishimdik iship alyp, kólik júrgizetinder qolǵa tússe olar 8 mln teńgeden astam kóleminde aiyppul arqalap, 7 jylǵa deiin kólik júrgizý kýáliginen aiyrylady. Jalpy, saqtandyrý salasy ishimdik iship alyp kólik júrgizetin adamdarǵa qarsy jazany aýyrlatý men tómendetýge yqpal ete almaidy. Jeke azamat retinde óz basym, mundai adamdarǵa qoldanylatyn jazany jeńildetýdi qoldamaimyn, – dedi Azamat Kerimbaev myrza.
Qazaq kinosynyń damý qarqyny...
Qazaqstandaǵy mádeneni oiyn-saýyq salasyndaǵy ońdy ózgerister jaiynda Freedom Holding Corp. Kompaniiasy quramyna kiretin «Ticketon Events» JShS direktory Viktoriia Torgýnakova áńgimelep berdi. Ticketon Events – Qazaqstandaǵy mádeni jáne oiyn-saýyq is-sharalaryna onlain bilet satýmen ainalysatyn jetekshi kompaniialardyń biri. 2012 jyly Almaty qalasynda negizi qalanǵan bul servis kinoteatrlar, teatrlar, kontsertter, sporttyq sharalar jáne basqa da is-sharalarǵa biletterdi onlain satyp alý múmkindigin usynady. Qazirgi ýaqytta Ticketon.kz saity men mobildi qosymshasy arqyly Qazaqstannyń 27 qalasyndaǵy 150-den astam mádeni jáne sporttyq nysandarǵa biletterdi satyp alýǵa bolady. Kompaniianyń qyzmeti Qazaqstanmen shektelmei, Qyrǵyzstan, Ózbekstan jáne Tájikstan siiaqty Ortalyq Aziia elderinde de qamtyp otyr.
2022 jyly Ticketon kompaniiasy Freedom Holding Corp. quramyna kirgennen keiin onyń qyzmet aiasyn keńeitýge jáne jańa múmkindikterge jol ashty. Ticketon qoldanýshylaryna yńǵaily bolý úshin veb-saitpen qatar mobildi qosymsha da usynylǵan, bul qosymsha arqyly túrli mádeni jáne sporttyq is-sharalarǵa biletterdi ońai jáne jyldam satyp alýǵa bolady.
– Qazirgi tańda oiyn-saýyq sharalary salasy boiynsha halyq jańadan shyqqan kinolardy kórýge jii barady. Bizdiń esebimiz boiynsha onyń úlesi 65,40 paiyzdy quraidy. Al ekinshi orynda halyq gostroldik kontserttik sharalarǵa baryp, kóńil kótergendi jón sanaidy. Kontsertterdiń úlesi 23,97 paiyzdy qurady. Budan keiin oryndarda teatr (4,08 paiyz) men sporttyq sharalar (2,05 paiyz) tur, – dep Viktoriia Torgýnakova oiyn-saýyq salasyndaǵy jaǵdaiǵa óz baǵasyn berdi.
Óz kezeginde Viktoriia Torgýnakova sońǵy 5 jyldyń kóleminde elimizde kinoprokat salasynda otandyq filmderdiń kassa jinaýy qarqyndy túrde damyp kele jatqanyn alǵa tartty.
Seminarda Freedom Finance Ciobal kompaniiasynyń sarapshysy Ańsar Áýbov ulttyq valiýtamyz teńgeniń naryqta baǵamy qalai qalyptasatynyn keńinen áńgimelep berse, MTD365 kompaniiasynyń negizin qalýshy ári direktory Shyńǵys Qulahmetov meditsinalyq tehnologiialar, tsifrlandyrýdy jáne el azamattarynyń densaýlyǵyn jaqsartyp, ómir súrý sapasyn arttyrý jaiyndaǵy oi-paiymdarmsen bólisti.
