Batys Qazaqstan jáne Mańǵystaý oblystarynyń politseileri esirtki tasymaldaýǵa qatysty kúdikpen 41 jastaǵy er adamdy ustady, dep habarlaidy dalanews.kz.
Tergeý málimetinshe, kúdikti Jambyl oblysynan Qazaqstannyń batys óńirlerine esirtki jetkizý arnasyn uiymdastyrǵan. Tyiym salynǵan zattar júk tasymaldaý qyzmeti arqyly qarapaiym sálemdeme retinde jóneltilgen.
Er adam Aqtaý qalasynda sálemdemeni alyp jatqan kezde ustalǵan.
Tekserý barysynda sálemdemeden ósimdik tektes zat salynǵan eki qap tabyldy. Saraptama qorytyndysy olardyń keptirilgen marihýana ekenin kórsetti. Tárkilengen esirtkiniń jalpy salmaǵy 33,5 keliden asqan.
Aldyn ala málimet boiynsha, esirtki partiiasy elimizdiń batys óńirlerinde taratylýy tiis bolǵan.
Atalǵan derek boiynsha sotqa deiingi tergeý bastaldy.
