كۇنى كەشە عانا Freedom Holding Corp. كومپانياسى الماتىدا جۋرناليستەردىڭ قاتىسۋىمەن «Freedom Practicum: ترەندتەردى تالداۋ، تەحنولوگيالار جانە اناليتيكا» اتتى سەمينار-كەڭەس ۇيىمداستىرىپ، تىلشىلەرى قاۋىمى Freedom ەكوجۇيەسىنە كىرەتىن كومپانيالاردىڭ ساراپشىلارىنىڭ وزەكتى تالداۋلار تىڭداپ، كوكەيىندەگى جۇرگەن سۇراقتارىن قويىپ، تۇششىمدى جاۋاپ الدى.

سيفرلىق ترانسفورماسيا يگىلىگى

Freedom ەكوجۇيەسى – قازاقستاننىڭ قارجى جانە تەحنولوگيا نارىعىنداعى جەتەكشى ويىنشىلاردىڭ ءبىرى ەكەنى كوپشىلىككە ءمالىم. قارجىلىق كومپانيا سيفرلىق ترانسفورماسيانى بەلسەندى جۇرگىزىپ، ءتۇرلى سالادا يننوۆاسيالىق شەشىمدەر ۇسىنىپ كەلەدى. ونىڭ نەگىزگى جەتىستىكتەرى قارجى تەحنولوگيالارى، ەلەكتروندىق كوممەرسيا، سيفرلىق بانكينگ جانە ءموبيلدى تولەم جۇيەلەرى سياقتى باعىتتاردا قۇرايتىنىن بىلەمىز.

جيىن بارىسىندا بىرىنگى بولىپ ءسوز العان «فريدوم بانك قازاقستان» اق ديرەكتورلار كەڭەسىنىڭ مۇشەسى ايدوس جۇماعۇلوۆ Freedom ەكوجۇيەسىنىڭ ەلىمىزدە قارجى، تولەمدەر جانە ينۆەستيسيا سالالارىن جاڭا دەڭگەيگە كوتەرۋگە بارىنشا ىقپال ەتكەن Freedom SuperApp قوسىمشاسىنىڭ قىزمەتى جايىندا كەڭىنەن اڭگىمەلەپ بەردى. بۇگىندە اتالعان قوسىمشا پايدالانۋشىلار ءۇشىن بارلىق قارجىلىق جانە كوممەرسيالىق قىزمەتتەردى ءبىر پلاتفورمادا بىرىكتىرىپ، ماڭىزدى قىزمەتتەرگە قولجەتىمدىلىكتى ارتتىرعانىن بىلەمىز.

– قازىرگى تاڭدا Freedom SuperApp – ءداستۇرلى بانكينگ پەن ينۆەستيسيادان باستاپ، كۇندەلىكتى تولەمدەر مەن ونلاين ساۋداعا دەيىنگى قىزمەتتەردى بىرىكتىرەتىن زاماناۋي سيفرلىق قۇرىلىمعا اينالىپ وتىر. ونىڭ باستى ەرەكشەلىگى – پايدالانۋشىلارعا «ءبارى ءبىر جەردە» قاعيداتى بويىنشا كەشەندى تۇردە قىزمەت كورسەتەتىنىمەن ەرەكشەلەنەدى، – ايدوس جۇماعۇلوۆ مىرزا.

ايتسا ايتقانداي ءقازىر قوسىمشا ارقىلى Freedom Bank قىزمەتتەرىن تولىققاندى پايدالانۋعا كەڭىنەن جول اشقان. تۇتىنۋشىلار ونلاين شوت اشۋ، تولەم كارتالارىن باسقارۋ، نەسيە الۋ، دەپوزيت اشۋ، حالىقارالىق اۋدارىمدار جاساۋ سياقتى قىزمەتتەردى وڭاي جۇزەگە اسىرا الادى. بارلىق وپەراسيالار سيفرلاندىرىلعان، بۇل ءداستۇرلى بانك بولىمشەلەرىنە بارۋ قاجەتتىلىگىن ازايتىپ، كليەنتتەرگە ۋاقىت ۇنەمدەۋگە مۇمكىندىك بەرگەنىن ايتا كەتۋىمىز كەرەك.

سونىمەن قاتار، Freedom SuperApp ينۆەستيسيا قۇرالدارىن ۇسىنادى. قوسىمشادا Freedom Broker جۇيەسىمەن ينتەگراسيا ورناتىلىپ، كليەنتتەرگە الەمدىك بيرجالارعا شىعۋ، اكسيالار مەن وبليگاسيالاردى ساتىپ الۋ جانە ساتۋ، قارجى نارىعىنىڭ جاڭالىقتارىن باقىلاۋ مۇمكىندىك بەرىپ وتىر. ينۆەستيسيالىق سەرۆيستەردىڭ وسىلايشا ءبىر پلاتفورمادا ۇسىنىلۋى قازاقستانداعى سيفرلىق قارجى جۇيەسىنىڭ دامۋىنا بارىنشا ىقپال ەتۋدە.

قازىرگى تاڭدا Freedom Finance كومپانياسى قازاقستاندا سيفرلىق بانكينگتى دامىتۋدىڭ فلاگمانىنا اينالىپ وتىر.

ونىڭ ءموبيلدى قوسىمشالارى مەن ونلاين قىزمەتتەرى قارجى وپەراسيالارىن جۇرگىزۋدى بارىنشا جەڭىلدەتىپ، حالىققا ءداستۇرلى بانك قىزمەتتەرىن قولجەتىمدى ەتۋدە. سوندىقتان Freedom Bank قازاقستانداعى العاشقى تولىق سيفرلانعان بانك دەگەن مارتەبەلى اتقا يە بولۋدا. كليەنتتەرىن قاعازباستىلىقتان ارىلتىپ، ءتيىمدى قىزمەت كورسەتۋ جۇيەسىن قالىپتاستىردى. سونىمەن قاتار، بانك كليەنتتەردى قاشىقتان يدەنتيفيكاسيالاۋ تەحنولوگيالارىن بەلسەندى تۇردە قولدانىپ كەلە جاتقانىن اتاپ ايتۋعا بولادى.

اۆتوساقتاندىرۋ سالاسىن قانداي وزگەرىستەر كۇتىپ تۇر؟

سەمينار بارىسىندا «Freedom Insurance» اق باسقارما ءتوراعاسى ازامات كەرىمبايەۆ بيىل ءساۋىر ايىنان باستاپ ەلىمىزدىڭ اۆتوساقتاندىرۋ سالاسى قانداي وزگەرىستەرمەن بەتپە بەت كەلەتىنىن اڭگىمەلەپ بەردى.

قازىرگى تاڭدا قازاقستانداعى اۆتوساقتاندىرۋ سالاسىنداعى بونۋس-مالۋس جۇيەسى جۇمىس ىستەيتىنى بىلگىلى. اتالعان جۇيە ەلىمىزدەگى مىندەتتى اۆتوكولىك ساقتاندىرۋىندا قولدانىلاتىن جەڭىلدىك پەن ايىپپۇل جۇيەسى ەكەنىن ايتا كەتۋىمىز كەرەك. بونۋس-مالۋس جۇيەسى جۇرگىزۋشىنىڭ ساقتاندىرۋ تاريحىنا بايلانىستى ونىڭ ساقتاندىرۋ سىياقىسىنىڭ مولشەرىن انىقتايدى. بيىل وسى جۇيەگە ءبىرقاتار وزگەرىستەر ەنبەشى.

ءوز كەزەگىنە جۋرناليستەر قاۋىمى ازامات كەرىمبايەۆتان دەپۋتاتاتىردىڭ ىشىمدىك ءىشىپ الىپ، كولىك جۇرگىزەتىن ازاماتتارعا قارسى قولدانىلاتىنان جازانى تومەندەتۋ ءبىرشاما تومەندەتۋ ماسەلەسىنە قالاي قارايىتىنىن سۇرادى.

– قازىرگى تاڭدا ىشىمدىك ءىشىپ الىپ، كولىك جۇرگىزەتىندەر قولعا تۇسسە ولار 8 ملن تەڭگەدەن استام كولەمىندە ايىپپۇل ارقالاپ، 7 جىلعا دەيىن كولىك جۇرگىزۋ كۋالىگىنەن ايىرىلادى. جالپى، ساقتاندىرۋ سالاسى ىشىمدىك ءىشىپ الىپ كولىك جۇرگىزەتىن ادامدارعا قارسى جازانى اۋىرلاتۋ مەن تومەندەتۋگە ىقپال ەتە المايدى. جەكە ازامات رەتىندە ءوز باسىم، مۇنداي ادامدارعا قولدانىلاتىن جازانى جەڭىلدەتۋدى قولدامايمىن، – دەدى ازامات كەرىمبايەۆ مىرزا.  

قازاق كينوسىنىڭ دامۋ قارقىنى...

قازاقستانداعى مادەنەني ويىن-ساۋىق سالاسىنداعى وڭدى وزگەرىستەر جايىندا Freedom Holding Corp. كومپانياسى قۇرامىنا كىرەتىن «Ticketon Events» ج ش س ديرەكتورى ۆيكتوريا تورگۋناكوۆا اڭگىمەلەپ بەردى. Ticketon Events – قازاقستانداعى مادەني جانە ويىن-ساۋىق ءىس-شارالارىنا ونلاين بيلەت ساتۋمەن اينالىساتىن جەتەكشى كومپانيالاردىڭ ءبىرى. 2012 جىلى الماتى قالاسىندا نەگىزى قالانعان بۇل سەرۆيس كينوتەاترلار، تەاترلار، كونسەرتتەر، سپورتتىق شارالار جانە باسقا دا ءىس-شارالارعا بيلەتتەردى ونلاين ساتىپ الۋ مۇمكىندىگىن ۇسىنادى. قازىرگى ۋاقىتتا Ticketon.kz سايتى مەن ءموبيلدى قوسىمشاسى ارقىلى قازاقستاننىڭ 27 قالاسىنداعى 150-دەن استام مادەني جانە سپورتتىق نىساندارعا بيلەتتەردى ساتىپ الۋعا بولادى. كومپانيانىڭ قىزمەتى قازاقستانمەن شەكتەلمەي، قىرعىزستان، وزبەكستان جانە تاجىكستان سياقتى ورتالىق ازيا ەلدەرىندە دە قامتىپ وتىر.

2022 جىلى Ticketon كومپانياسى Freedom Holding Corp. قۇرامىنا كىرگەننەن كەيىن ونىڭ قىزمەت اياسىن كەڭەيتۋگە جانە جاڭا مۇمكىندىكتەرگە جول اشتى. Ticketon قولدانۋشىلارىنا ىڭعايلى بولۋ ءۇشىن ۆەب-سايتپەن قاتار ءموبيلدى قوسىمشا دا ۇسىنىلعان، بۇل قوسىمشا ارقىلى ءتۇرلى مادەني جانە سپورتتىق ءىس-شارالارعا بيلەتتەردى وڭاي جانە جىلدام ساتىپ الۋعا بولادى.

–  قازىرگى تاڭدا ويىن-ساۋىق شارالارى سالاسى بويىنشا حالىق جاڭادان شىققان كينولاردى كورۋگە ءجيى بارادى. ءبىزدىڭ ەسەبىمىز بويىنشا ونىڭ ۇلەسى 65،40 پايىزدى قۇرايدى. ال ەكىنشى ورىندا حالىق گوسترولدىك كونسەرتتىك شارالارعا بارىپ، كوڭىل كوتەرگەندى ءجون سانايدى. كونسەرتتەردىڭ ۇلەسى 23،97 پايىزدى قۇرادى. بۇدان كەيىن ورىنداردا تەاتر (4،08 پايىز) مەن سپورتتىق شارالار (2،05 پايىز) تۇر، – دەپ ۆيكتوريا تورگۋناكوۆا ويىن-ساۋىق سالاسىنداعى جاعدايعا ءوز باعاسىن بەردى.

ءوز كەزەگىندە ۆيكتوريا تورگۋناكوۆا سوڭعى 5 جىلدىڭ كولەمىندە ەلىمىزدە كينوپروكات سالاسىندا وتاندىق فيلمدەردىڭ كاسسا جيناۋى قارقىندى تۇردە دامىپ كەلە جاتقانىن العا تارتتى.

سەميناردا Freedom Finance Ciobal كومپانياسىنىڭ ساراپشىسى اڭسار ءاۋبوۆ ۇلتتىق ۆاليۋتامىز تەڭگەنىڭ نارىقتا باعامى قالاي قالىپتاساتىنىن كەڭىنەن اڭگىمەلەپ بەرسە، MTD365 كومپانياسىنىڭ نەگىزىن قالۋشى ءارى ديرەكتورى شىڭعىس قۇلاحمەتوۆ مەديسينالىق تەحنولوگيالار، سيفرلاندىرۋدى جانە ەل ازاماتتارىنىڭ دەنساۋلىعىن جاقسارتىپ، ءومىر ءسۇرۋ ساپاسىن ارتتىرۋ جايىنداعى وي-پايىمدارمسەن ءبولىستى.