"ForteBank" AQ "Home Credit Bank" AQ (Qazaqstan) aktsionerlerimen arada "Home Credit Bank" AQ (Qazaqstan) Bankiniń 100% aktsiiasyn satyp alý týraly qaǵidattyq ýaǵdalastyqqa qol jetkizgenderin málimdedi. "ForteBank" AQ jáne "HOME Credit Bank" AQ klientterine burynǵy sharttar boiynsha qyzmet kórsetile beredi, dep habarlaidy Dalanews.kz.
Mámile qujaty maquldaý úshin Básekelestikti qorǵaý jáne damytý agenttigi men Qarjy naryǵyn retteý jáne damytý agenttigin qosa alǵanda, retteýshi organdarǵa joldandy. "ForteBank" AQ jáne "Home Credit Bank" AQ klientterine burynǵy sharttar boiynsha qyzmet kórsetiletin bolady, iaǵni barlyq qoldanystaǵy sharttar kúshin saqtaidy, al bankterdiń mindettemeleri tolyq kólemde oryndalatyn bolady.
Aita ketsek, ForteBank qazaqstandyq iri kásipker Bolat Ótemuratovqa tiesili. Ol Forbes nusqasy boiynsha eń bai úsh qazaqstandyqtyń biri jáne qarjy, telekom, meditsina, sport, qonaq úi biznesterinde de belsendi. Ótemuratov - ForteBank te enetin Verny Capital investitsiialyq tobyn baqylaýshy. Sondai-aq ol Beeline Qazaqstanmen (Veon arqyly), Astana men Almatydaǵy Magnum, Ritz-Carlton, Qazmyrysh jáne basqa da birqatar iri aktivtermen bailanysty. ForteBank 2015 jyly Alliance Bank pen Temirbankti de ózine biriktirip alǵan.
Buǵan deiin qazaqstandyq oligarh Bolat Ótemuratovtyń banki Home Credit Bank-ti satyp alý boiynsha kelissózder júrgizip jatqany habarlanǵan bolatyn.
