Ulttyq qordan maýsym aiynda kúnine orta eseppen $9 mln satyldy, dep habarlaidy dalanews.kz.
Ulttyq banktiń málimetinshe, maýsymda teńge baǵamy 1,3%-ǵa nyǵaiyp, bir AQSh dollary 479,98 teńgeni qurady. Qazaqstan qor birjasyndaǵy ortasha kúndik saýda kólemi $392 mln-nan $369 mln-ǵa deiin tómendep, jalpy saýda kólemi $8,1 mlrd boldy.
Maýsym aiynda Ulttyq qordan valiýta naryǵyna $200 mln satyldy. Bul jalpy saýda kóleminiń 2,6%-yn nemese kúnine shamamen $9 mln qurady.
Sonymen qatar maýsym aiynda Ulttyq bank Ulttyq qordan $460 mln satyp alyp, ony 2026 jyldyń sońyna deiin ishki valiýta naryǵynda birtindep satýdy josparlap otyr.
Ulttyq banktiń boljamynsha, shilde aiynda Ulttyq qor esebinen birjada $200 mln-nan $300 mln-ǵa deiin shetel valiýtasy satylady.
Vedomstvonyń málimetinshe, maýsymda Ulttyq bank valiýta interventsiialaryn júrgizgen joq. Al kvazimemlekettik sektor sýbektileriniń mindetti valiýta túsimin satý kólemi shamamen $423 mln boldy.
Sondai-aq Biryńǵai jinaqtaýshy zeinetaqy qorynyń valiýtalyq úlesin saqtaý maqsatynda Ulttyq bank birjada $92 mln kóleminde shetel valiýtasyn satyp alǵan.
Ulttyq bank qysqa merzimde teńge baǵamyna naryq qatysýshylarynyń kútýleri, toqsandyq salyq tólemderi, álemdik naryqtaǵy ahýal jáne geosaiasi jaǵdai áser etetinin atap ótti. Sonymen birge retteýshi ikemdi aiyrbas baǵamy saiasatyn ustanýdy jalǵastyratynyn málimdedi.
