"ForteBank" اق "Home Credit Bank" اق (قازاقستان) اكسيونەرلەرىمەن ارادا "Home Credit Bank" اق (قازاقستان) بانكىنىڭ 100% اكسياسىن ساتىپ الۋ تۋرالى قاعيداتتىق ۋاعدالاستىققا قول جەتكىزگەندەرىن مالىمدەدى. "ForteBank" اق جانە "HOME Credit Bank" اق كليەنتتەرىنە بۇرىنعى شارتتار بويىنشا قىزمەت كورسەتىلە بەرەدى، دەپ حابارلايدى Dalanews.kz.

مامىلە قۇجاتى ماقۇلداۋ ءۇشىن باسەكەلەستىكتى قورعاۋ جانە دامىتۋ اگەنتتىگى مەن قارجى نارىعىن رەتتەۋ جانە دامىتۋ اگەنتتىگىن قوسا العاندا، رەتتەۋشى ورگاندارعا جولداندى. "ForteBank" اق جانە "Home Credit Bank" اق كليەنتتەرىنە بۇرىنعى شارتتار بويىنشا قىزمەت كورسەتىلەتىن بولادى، ياعني  بارلىق قولدانىستاعى شارتتار كۇشىن ساقتايدى، ال بانكتەردىڭ مىندەتتەمەلەرى تولىق كولەمدە ورىندالاتىن بولادى.

ايتا كەتسەك، ForteBank قازاقستاندىق ءىرى كاسىپكەر بولات وتەمۇراتوۆقا تيەسىلى. ول Forbes نۇسقاسى بويىنشا ەڭ باي ءۇش قازاقستاندىقتىڭ ءبىرى جانە قارجى، تەلەكوم، مەديسينا، سپورت، قوناق ءۇي بيزنەستەرىندە دە بەلسەندى. وتەمۇراتوۆ - ForteBank تە ەنەتىن Verny Capital ينۆەستيسيالىق توبىن باقىلاۋشى. سونداي-اق ول Beeline قازاقستانمەن (Veon ارقىلى)، استانا مەن الماتىداعى Magnum، Ritz-Carlton، قازمىرىش جانە باسقا دا ءبىرقاتار ءىرى اكتيۆتەرمەن بايلانىستى. ForteBank 2015 جىلى Alliance Bank پەن تەمىربانكتى دە وزىنە بىرىكتىرىپ العان.

بۇعان دەيىن قازاقستاندىق وليگارح بولات وتەمۇراتوۆتىڭ بانكى Home Credit Bankء-تى ساتىپ الۋ بويىنشا كەلىسسوزدەر جۇرگىزىپ جاتقانى حابارلانعان بولاتىن.