Qazaqstanda 2 mln dollardy elden shyǵarý úshin syrtqy ekonomıkalyq kelisim jasalǵan. Naqtyraq aıtqanda, kelisimsharttar formaldy sıpatqa ıe bolǵan, dep habarlaıdy Dalanews.kz.
"Almaty oblysynyń prokýratýrasy 2 mln dollar kóleminde valúta zańnamasynyń buzýshylyǵyn anyqtady. JSHS sheteldik kompanıamen jalpy quny 6 mln AQSH dollaryn quraıtyn taýar jetkizýge syrtqy ekonomıkalyq shart jasasqan. Aqsha qarajaty rezıdent emestiń shotyna aýdarylǵan, alaıda tek 3,7 mln AQSH dollarynyń taýary jetkizilgen. Qalǵan qarajat sharttyq mindettemelerdi formaldy túrde búrkemeleý arqyly is júzinde elden shyǵarylǵan. Kompanıa qarajatty qaıtarý boıynsha eshqandaı sharalar qabyldamaǵan, al salyq organdary repatrıasıa talabyn oryndamaý boıynsha tıisti sharalardy qoldanbaǵan", delingen vedomstvo habarlamasynda.
Anyqtalǵan quqyqbuzýshylyqtarǵa baılanysty oblys prokýratýrasy QR ÁQBtK-niń 251-baby 2-bóligi boıynsha (ulttyq jáne (nemese) shetel valútasyn repatrıasıalaý talabyn oryndamaý) ákimshilik is qozǵady.
Qonaev qalasynyń sotynyń qaýlysymen JSHS kináli dep tanylyp, oǵan 239 mln teńge kóleminde ákimshilik aıyppul salyndy.
Sot aktisi zańdy kúshine endi.
