قازاقستاندا 2 ملن دوللاردى ەلدەن شىعارۋ ٷشٸن سىرتقى ەكونوميكالىق كەلٸسٸم جاسالعان. ناقتىراق ايتقاندا, كەلٸسٸمشارتتار فورمالدى سيپاتقا يە بولعان, دەپ حابارلايدى Dalanews.kz.
"الماتى وبلىسىنىڭ پروكۋراتۋراسى 2 ملن دوللار كٶلەمٸندە ۆاليۋتا زاڭناماسىنىڭ بۇزۋشىلىعىن انىقتادى. جشس شەتەلدٸك كومپانييامەن جالپى قۇنى 6 ملن اقش دوللارىن قۇرايتىن تاۋار جەتكٸزۋگە سىرتقى ەكونوميكالىق شارت جاساسقان. اقشا قاراجاتى رەزيدەنت ەمەستٸڭ شوتىنا اۋدارىلعان, الايدا تەك 3,7 ملن اقش دوللارىنىڭ تاۋارى جەتكٸزٸلگەن. قالعان قاراجات شارتتىق مٸندەتتەمەلەردٸ فورمالدى تٷردە بٷركەمەلەۋ ارقىلى ٸس جٷزٸندە ەلدەن شىعارىلعان. كومپانييا قاراجاتتى قايتارۋ بويىنشا ەشقانداي شارالار قابىلداماعان, ال سالىق ورگاندارى رەپاترياتسييا تالابىن ورىنداماۋ بويىنشا تيٸستٸ شارالاردى قولدانباعان", دەلٸنگەن ۆەدومستۆو حابارلاماسىندا.
انىقتالعان قۇقىقبۇزۋشىلىقتارعا بايلانىستى وبلىس پروكۋراتۋراسى قر ەقبتك-نٸڭ 251-بابى 2-بٶلٸگٸ بويىنشا (ۇلتتىق جەنە (نەمەسە) شەتەل ۆاليۋتاسىن رەپاترياتسييالاۋ تالابىن ورىنداماۋ) ەكٸمشٸلٸك ٸس قوزعادى.
قوناەۆ قالاسىنىڭ سوتىنىڭ قاۋلىسىمەن جشس كٸنەلٸ دەپ تانىلىپ, وعان 239 ملن تەڭگە كٶلەمٸندە ەكٸمشٸلٸك ايىپپۇل سالىندى.
سوت اكتٸسٸ زاڭدى كٷشٸنە ەندٸ.
