Forbes Kazakhstan jýrnalynyń 2024 jylǵy qazan aiyndaǵy sanynda Qazaqstannyń eń yqpaldy biznesmenderiniń reitingi jariialandy. Onda jer bailyǵyn ielenýshilermen qatar, aqyl bailyǵyn igergen jastar esimi de qamtylyp, jurtty eleń etkizdi, dep habarlaidy Dalanews.kz.
Jańa esimder - Marat Juman, Raýan Kenjehanuly jáne Arsen Tomskii
Eń aldymen, ózderińizdi jańa esimdermen tanystyra otyralyq. 2024 jylǵy eń yqpaldy kásipkerler tizimine alǵash ret 2018 jyldyń "Jyl kásipkeri" ataǵyn ielengen Marat Juman kirdi. Onyń halyqaralyq deńgeide jumys isteitin Atasu Group transporttyq-logistikalyq holdingi 2023 jyly Qytaidyń iri porttyq kompaniiasy Shandon Port Group-pen seriktestik ornatqan bolatyn. Marat Juman atalǵan reitingte 46-orynǵa turaqtapty.
Odan sál tómende, 50-shi orynda Bilim Media Group-tyń negizin qalaýshy Raýan Kenjehanuly tur. Onyń bilim berý salasyndaǵy qazaq tilindegi oqýlyqtardy aýdarý, qazaqtildi Vikipediia jáne Online Mektep platformalary Kenjehanulyn bailar tizimine ilindirip otyr.
Eń yqpaldy kásipkerler tizimine alǵash ret tóbe kórsetkenderdiń arasynda Arsen Tomskii de bar. Ol bedeldi reitingte InDrive qyzmet kórsetý platformasy arqyly 16-orynǵa ornyqqan. InDrive 46 eldiń 779 qalasynda jumys isteidi. 2023 jyldyń jeltoqsanynda Qazaqstan azamattyǵyn alǵan Tomskii 2024 jyldyń mamyr aiynda Forbes tiziminde eń bai qazaqstandyqtar qataryna enip, 920 million dollar bailyǵymen 10-oryndy ielendi. Tomskii Marat Jumanmen transporttyq salada, sol sekildi bilim berý salasyndaǵy jobalarymen Raýan Kenjehanulymen de belgili bir deńgeide áriptesedi.
Tomskii – 50, Juman – 48, Kenjehanuly – 45 jasta. Barlyǵy da elimizdegi tájiribeli, áleýmettik belsendi kásipkerler.
Tizimge qaita oralǵandar
2024 jylǵy tizimge jańadan kelgenderge qaraǵanda qaityp oralǵandar basym: bes adam. Olardyń ishinde asa nazar aýdartatyn jait Gaýhar Qapparovanyń oralýy. Ol Lancaster Group-taǵy Qulybaevtar otbasynyń biznes-áriptesi Raýshan Saǵidievanyń ornyn basqan. Máselen, Saǵadieva 2023 jyly reitingtn 47-orynda tursa, Qaparova 2024 jyly 41-orynǵa kóterilgen.
Bul tizimnen aty-jóni syzylyp, endi qaita paida bolǵandar arasynan saqtandyrý salasynyń ókili Almas Myńbaevty (Nomad Life jáne Nomad Insurance aktsioneri), altyn óndirýshi Vladimir Jumanbaevty ("Altynalmas" jáne "Kazahaltyn" AQ-lary), energetikalyq sektordyń ókili Sergei Kandy (TsATEK jáne TsAEK kompaniialary) kórýge bolady. Sol sekildi bul tizimnen Kaspi.kz aktsioneri jáne basshysy Mihail Lomtadze de baiqalady. Ol Qazaqstandaǵy eń bai adamdar reitingisinde altynshy orynda tur.
Bailyǵy arta túskender kimder?
Andrei Lavrentev 26-orynnan 9-orynǵa bir-aq kóterilgen. Ol 2023 jyly Qarmet (burynǵy "ArselorMittal Temirtaý") kásipornyn satyp alǵan bolatyn. Bul ózgeris osymen tikelei bailanysty. ERG tobynyń ókili Shýhrat Ibragimov te 11-orynnan 7-orynǵa kóterildi. Agrarlyq saladaǵy kásipkerler de reitingte joǵarylady: Serik Tolyqpaev pen Ivan Saýer óz pozitsiialaryn nyǵaitty.
Bailyǵy azaiǵandar kimder?
Al Timýr Qulybaev 3-orynnan 8-orynǵa túsip qaldy. "Bazis-A" qurylys korporatsiiasynyń negizin qalaýshy Aleksandr Belovich te 9-orynnan 14-orynǵa tómendedi. Sondai-aq, avtojanarmai quiý stantsiialar jelisiniń iesi Daniiar Ábilǵazin alty orynǵa tómendedi. Bul quldyraýdy sarapshylar alda zerttei jatar.
Forbes Kazakhstan baǵalaýynsha, osy tizim "ardagerleri" Serikjan Seiitjanovtyń, Saidolla Qojabaevtyń, Aleksandr Klebanovtyń yqpaldary áldeqaida álsiregen.
Reiting shyńyndaǵy eń bai ári yqpaldy adamdar
Reiting shyńyndaǵy alǵashqy bestikte de ózgerister oryn aldy. Bolat Ótemuratov ekinshiden úshinshi orynǵa tómendedi. Timýr Týrlov pen Nurlan Smaǵulov óz pozitsiialaryn nyǵaityp, sáikesinshe besinshi jáne jetinshi oryndarǵa ornyqty. Eń bastysy, Vladimir Kim (KAZ Minerals) qaitadan reitingtiń kóshin bastady, ótken jyly ol Kaspi.kz iesi Viacheslav Kimge jol berip, ekinshi orynda bolǵan edi.
