Forbes Kazakhstan جۋرنالىنىڭ 2024 جىلعى قازان ايىنداعى سانىندا قازاقستاننىڭ ەڭ ىقپالدى بيزنەسمەندەرىنىڭ رەيتينگى جاريالاندى. وندا جەر بايلىعىن يەلەنۋشىلەرمەن قاتار، اقىل بايلىعىن يگەرگەن جاستار ەسىمى دە قامتىلىپ، جۇرتتى ەلەڭ ەتكىزدى، دەپ حابارلايدى Dalanews.kz.
جاڭا ەسىمدەر - مارات جۇمان، راۋان كەنجەحان ۇلى جانە ارسەن تومسكيي
ەڭ الدىمەن، وزدەرىڭىزدى جاڭا ەسىمدەرمەن تانىستىرا وتىرالىق. 2024 جىلعى ەڭ ىقپالدى كاسىپكەرلەر تىزىمىنە العاش رەت 2018 جىلدىڭ "جىل كاسىپكەرى" اتاعىن يەلەنگەن مارات جۇمان كىردى. ونىڭ حالىقارالىق دەڭگەيدە جۇمىس ىستەيتىن Atasu Group ترانسپورتتىق-لوگيستيكالىق حولدينگى 2023 جىلى قىتايدىڭ ءىرى پورتتىق كومپانياسى Shandon Port Group-پەن سەرىكتەستىك ورناتقان بولاتىن. مارات جۇمان اتالعان رەيتينگتە 46-ورىنعا تۇراقتاپتى.
ودان ءسال تومەندە، 50ء-شى ورىندا Bilim Media Group-تىڭ نەگىزىن قالاۋشى راۋان كەنجەحان ۇلى تۇر. ونىڭ ءبىلىم بەرۋ سالاسىنداعى قازاق تىلىندەگى وقۋلىقتاردى اۋدارۋ، ءقازاقتىلدى ۆيكيپەديا جانە Online Mektep پلاتفورمالارى كەنجەحانۇلىن بايلار تىزىمىنە ءىلىندىرىپ وتىر.
ەڭ ىقپالدى كاسىپكەرلەر تىزىمىنە العاش رەت توبە كورسەتكەندەردىڭ اراسىندا ارسەن تومسكيي دە بار. ول بەدەلدى رەيتينگتە InDrive قىزمەت كورسەتۋ پلاتفورماسى ارقىلى 16-ورىنعا ورنىققان. InDrive 46 ەلدىڭ 779 قالاسىندا جۇمىس ىستەيدى. 2023 جىلدىڭ جەلتوقسانىندا قازاقستان ازاماتتىعىن العان تومسكيي 2024 جىلدىڭ مامىر ايىندا Forbes تىزىمىندە ەڭ باي قازاقستاندىقتار قاتارىنا ەنىپ، 920 ميلليون دوللار بايلىعىمەن 10-ورىندى يەلەندى. تومسكيي مارات جۇمانمەن ترانسپورتتىق سالادا، سول سەكىلدى ءبىلىم بەرۋ سالاسىنداعى جوبالارىمەن راۋان كەنجەحانۇلىمەن دە بەلگىلى ءبىر دەڭگەيدە ارىپتەسەدى.
تومسكيي – 50، جۇمان – 48، كەنجەحان ۇلى – 45 جاستا. بارلىعى دا ەلىمىزدەگى تاجىريبەلى، الەۋمەتتىك بەلسەندى كاسىپكەرلەر.
تىزىمگە قايتا ورالعاندار
2024 جىلعى تىزىمگە جاڭادان كەلگەندەرگە قاراعاندا قايتىپ ورالعاندار باسىم: بەس ادام. ولاردىڭ ىشىندە اسا نازار اۋدارتاتىن جايت گاۋھار قاپپاروۆانىڭ ورالۋى. ول Lancaster Group-تاعى قۇلىبايەۆتار وتباسىنىڭ بيزنەس-ارىپتەسى راۋشان ساعيدييەۆانىڭ ورنىن باسقان. ماسەلەن، ساعادييەۆا 2023 جىلى رەيتينگتن 47-ورىندا تۇرسا، قاپاروۆا 2024 جىلى 41-ورىنعا كوتەرىلگەن.
بۇل تىزىمنەن ءاتى-جونى سىزىلىپ، ەندى قايتا پايدا بولعاندار اراسىنان ساقتاندىرۋ سالاسىنىڭ وكىلى الماس مىڭبايەۆتى (Nomad Life جانە Nomad Insurance اكسيونەرى)، التىن ءوندىرۋشى ۆلاديمير جۇمانبايەۆتى ("التىنالماس" جانە "كازاحالتىن" اق-لارى)، ەنەرگەتيكالىق سەكتوردىڭ وكىلى سەرگەي كاندى (ساتەك جانە ساەك كومپانيالارى) كورۋگە بولادى. سول سەكىلدى بۇل تىزىمنەن Kaspi.kz اكسيونەرى جانە باسشىسى ميحايل لومتادزە دە بايقالادى. ول قازاقستانداعى ەڭ باي ادامدار رەيتينگىسىندە التىنشى ورىندا تۇر.
بايلىعى ارتا تۇسكەندەر كىمدەر؟
اندرەي لاۆرەنتيەۆ 26-ورىننان 9-ورىنعا ءبىر-اق كوتەرىلگەن. ول 2023 جىلى Qarmet (بۇرىنعى "ارسەلورميتتال تەمىرتاۋ") كاسىپورنىن ساتىپ العان بولاتىن. بۇل وزگەرىس وسىمەن تىكەلەي بايلانىستى. ERG توبىنىڭ وكىلى شۋحرات يبراگيموۆ تە 11-ورىننان 7-ورىنعا كوتەرىلدى. اگرارلىق سالاداعى كاسىپكەرلەر دە رەيتينگتە جوعارىلادى: سەرىك تولىقپايەۆ پەن يۆان ساۋەر ءوز پوزيسيالارىن نىعايتتى.
بايلىعى ازايعاندار كىمدەر؟
ال تيمۋر قۇلىبايەۆ 3-ورىننان 8-ورىنعا ءتۇسىپ قالدى. "Bazis-A" قۇرىلىس كورپوراسياسىنىڭ نەگىزىن قالاۋشى الەكساندر بەلوۆيچ تە 9-ورىننان 14-ورىنعا تومەندەدى. سونداي-اق، اۆتوجانارماي قۇيۋ ستانسيالار جەلىسىنىڭ يەسى دانيار ءابىلعازين التى ورىنعا تومەندەدى. بۇل قۇلدىراۋدى ساراپشىلار الدا زەرتتەي جاتار.
Forbes Kazakhstan باعالاۋىنشا، وسى ءتىزىم "ارداگەرلەرى" سەرىكجان سەيىتجانوۆتىڭ، سايدوللا قوجابايەۆتىڭ، الەكساندر كلەبانوۆتىڭ ىقپالدارى الدەقايدا السىرەگەن.
رەيتينگ شىڭىنداعى ەڭ باي ءارى ىقپالدى ادامدار
رەيتينگ شىڭىنداعى العاشقى بەستىكتە دە وزگەرىستەر ورىن الدى. بولات وتەمۇراتوۆ ەكىنشىدەن ءۇشىنشى ورىنعا تومەندەدى. تيمۋر تۋرلوۆ پەن نۇرلان سماعۇلوۆ ءوز پوزيسيالارىن نىعايتىپ، سايكەسىنشە بەسىنشى جانە جەتىنشى ورىندارعا ورنىقتى. ەڭ باستىسى، ۆلاديمير كيم (KAZ Minerals) قايتادان رەيتينگتىڭ كوشىن باستادى، وتكەن جىلى ول Kaspi.kz يەسى ۆياچەسلاۆ كيمگە جول بەرىپ، ەكىنشى ورىندا بولعان ەدى.
