Fitch Ratings sarapshylary Qazaqstan Úkimeti júrgizip otyrǵan fiskaldyq saiasatty synǵa alyp, ol el reitingisine teris yqpal etýi múmkin ekenin eskertti, dep habarlaidy Dalanews.kz.
Mamyr aiynda Qazaqstannyń egemen reitingi "BBB"/Turaqty " deńgeiinde rastalǵan, alaida sol kezdiń ózinde agenttik Ulttyq qordan bólingen, onyń ishinde memlekettik sektor shebi boiynsha aktsiialardy qaita satý shemalary arqyly transfertter kóleminiń ulǵaiyp jatqanyn nusqap kórsetken.
"Qazaqstannyń makroekonomikalyq saiasatynyń álsiz tustary aqsha-kredit jáne fiskaldyq saiasattyń boljamdy kórsetkishi men oǵan degen senimdi tómendetedi. Soǵan bailanysty Fitch reitingisi baǵalaýyndaǵy makroekonomikalyq boljam, saiasat jáne sapaly perspektivalar boiynsha bir satyǵa tómendeý oryn alýy yqtimal", delingen boljamda.
Oń faktorlar ishinen sarapshylar memlekettik qaryzdyń tómen deńgeiin jáne syrtqy balanstyń kúiin ataidy. Degenmen, qaryzdyń ósimi memlekettik baǵaly qaǵazdar shyǵarý, "zeinetaqy qorynyń neǵurlym belsendiligi", sondai-aq bank sektory arqyly jalǵasa berý múmkindigi joǵary ekeni de basa aitylady.
