Fitch Ratings ساراپشىلارى قازاقستان ۇكىمەتى جۇرگىزىپ وتىرعان فيسكالدىق ساياساتتى سىنعا الىپ، ول ەل رەيتينگىسىنە تەرىس ىقپال ەتۋى مۇمكىن ەكەنىن ەسكەرتتى، دەپ حابارلايدى Dalanews.kz.
مامىر ايىندا قازاقستاننىڭ ەگەمەن رەيتينگى "BBB"/تۇراقتى " دەڭگەيىندە راستالعان، الايدا سول كەزدىڭ وزىندە اگەنتتىك ۇلتتىق قوردان بولىنگەن، ونىڭ ىشىندە مەملەكەتتىك سەكتور شەبى بويىنشا اكسيالاردى قايتا ساتۋ سحەمالارى ارقىلى ترانسفەرتتەر كولەمىنىڭ ۇلعايىپ جاتقانىن نۇسقاپ كورسەتكەن.
"قازاقستاننىڭ ماكروەكونوميكالىق ساياساتىنىڭ ءالسىز تۇستارى اقشا-كرەديت جانە فيسكالدىق ساياساتتىڭ بولجامدى كورسەتكىشى مەن وعان دەگەن سەنىمدى تومەندەتەدى. سوعان بايلانىستى Fitch رەيتينگىسى باعالاۋىنداعى ماكروەكونوميكالىق بولجام، ساياسات جانە ساپالى پەرسپەكتيۆالار بويىنشا ءبىر ساتىعا تومەندەۋ ورىن الۋى ىقتيمال"، دەلىنگەن بولجامدا.
وڭ فاكتورلار ىشىنەن ساراپشىلار مەملەكەتتىك قارىزدىڭ تومەن دەڭگەيىن جانە سىرتقى بالانستىڭ كۇيىن اتايدى. دەگەنمەن، قارىزدىڭ ءوسىمى مەملەكەتتىك باعالى قاعازدار شىعارۋ، "زەينەتاقى قورىنىڭ نەعۇرلىم بەلسەندىلىگى"، سونداي-اق بانك سەكتورى ارقىلى جالعاسا بەرۋ مۇمكىندىگى جوعارى ەكەنى دە باسا ايتىلادى.
