Fitch Ratings halyqaralyq reitingtik agenttigi Home Credit Bank emitentiniń shetel jáne ulttyq valiýtadaǵy uzaq merzimdi defolt reitingin "BB–" deńgeiinde rastady. Boljam "Turaqty" bolyp tabylady, dep habarlaidy Dalanews.kz.
Fitch Home Credit Bank–tiń biznesti ártaraptandyrýǵa baǵyttalǵan qadamdaryn oń baǵalap, bank bolashaqta taýasha biznes–modelden birtindep alystaitynyn atap ótti. Buǵan 2025 jyly kepildi bólshek kreditteý men shaǵyn jáne orta biznesti qarjylandyrý segmentterine kirýi yqpal etpek. 2023 jyldyń ortasynan bastap Home Credit Bank shaǵyn jáne orta bizneske arnalǵan HCB Business tsifrlyq qyzmetin damytyp keledi, bul klienttik bazany keńeitip, jańa baǵytty ilgeriletýge múmkindik berdi.
"2024 jyly bank qarqyndy túrde damýyn jalǵastyryp, kóptegen kórsetkishter boiynsha naryqtaǵy ósim qarqynynan ozyq boldy. Bir jyl ishinde aktivter 233 mlrd teńgege artyp, jyldyń qorytyndysy boiynsha 1 trln teńgege jetti. Bul kórsetkish bankke aktivter kólemi boiynsha 12-orynǵa kóterilýge múmkindik berdi. Nesielik portfel 26%-ǵa ósip, 770 mlrd teńgeden asty. Klientterdiń salymdary 157,6 mlrd teńgege ulǵaiyp, ótken jyldyń qorytyndysy boiynsha 520 mlrd teńgeni qurady. 2024 jyl bank úshin rekordtyq jyl boldy: taza paida 35 mlrd teńgege jetti. Ótken jyldyń kórsetkishteri — 2022 jyly qabyldanǵan jańa strategiia men júrgizilgen transformatsiianyń nátijesi. Biz durys tańdaý jasaǵanymyzdy kórip otyrmyz: taýasha modelden bas tartyp, klient pen onyń yńǵailylyǵyn basty nazarǵa qoidyq, oǵan qolaily tólem, kredit jáne jinaq qyzmetterin usyndyq. Muny bizdiń klientterimiz baǵalady. Biz qazaqstandyqtarǵa kúndelikti qarjylyq máselelerin tiimdi sheshýge kómektesetin qyzmetter men ónimder usynýdy jalǵastyramyz", – dep atap ótti Home Credit Bank basqarma tóraǵasy Kiril Bachvarov.
Home Credit Bank — halyqaralyq investitsiialyq PPF Group N.V. tobyna tiesili PPF Financial Holdings quramyna kiredi. Bul top Eýropa, Soltústik Amerika jáne Aziianyń 25 elinde jumys istep, telekommýnikatsiia, media, qarjylyq qyzmetter, elektrondy kommertsiia, jyljymaityn múlik, mashina jasaý jáne biotehnologiia salalaryn qamtidy.
