Feisbýk Pýtinniń ǵalamtordaǵy keńesshisiniń paraqshasyn buǵattady
Feisbýk áleýmettik jelisi RF prezidentiniń ǵalamtordy damytý máseleleri jónindegi keńesshisi German Klimenkonyń paraqshasyn úsh kúnge buǵattaǵan bolatyn. Bul týraly Klimenkonyń ózi VK áleýmettik jelisindegi paraqshasynda buǵattaý týraly habarlamanyń skrinshotyn jariialady.
Feisbýk Klimenkony ózge tulǵalardyń avtorlyq quqyǵyna nuqsan keletin materialdardy jariialaǵany úshin jazalady. Keńesshiniń ózi birneshe ret paraqshasyna jazbalaryn jariialaǵan tanymal bloger jáne aspaz Stalik Hankishiev jeli ákimshilerine shaǵymdandy dep esepteidi.
Eske sala ketsek, buryn Klimenko Reseidiń aqparattyq qaýipsizdigi úshin qytailyq tájiribeni qoldana otyryp, reseilikterdiń ǵalamtordaǵy múmkinshilikterin shekteý týraly usynys jasaǵan edi.
