Bul týraly «Ferǵana.rý» aqparattyq agenttigi habarlady. Atalǵan agenttiktiń derekkózderi habarlaǵandaı Kárimov Tashkent ýaqytymen saǵat 15:16-da kóz jumǵan.
Alaıda ózbek bıligi buǵan qatysty qandaı da bir resmı málimet bergen joq. Óz kezeginde Rıa Novostı-ǵa pikir birgen ózbek prezıdenti apparatynyń ókili bul aqparatty joqqa shyǵarypty. «Bul shyndyqqa sáıkes kelmeıdi. Prezıdent aýrýhanaǵa tústi. Onyń jaǵdaıy qalypty» deıdi ol.
Aıta ketelik, budan buryn Kárimovtyń qyzy Lola Kárimova-Tılláeva ákesiniń basyna qan ketkenin aıtqan bolatyn.
Al Ózbekstannyń Halyqtyq opozısıalyq qozǵalysynyń dereginshe, 78- jasar Kárimov ózin Olımpıadadan Ózbekstan ulttyq quramasyn marapattaý kezindegi bankette nashar sezingen. Banket 26 tamyzda «Dúrmen» rezıdensıasynda ótken.
Sportshylardyń jeńisine qýanǵan Kárńmov alkogól ónimderin shekten tys mólsherde iship qoıǵan. Sol kúni túnde óz ákimshiliginiń basshysy Zelımhan Haıdarovpen áńgimelesip otyrǵan Kárimov aıaqastynan esinen tanyp qalǵan.
Kárimov Ózbekstan prezıdentiniń oryntaǵyna 1991 jyly otyrdy. Sodan beri bılik quryp kelgen.
