بۇل تۋرالى «فەرعانا.رۋ» اقپاراتتىق اگەنتتىگى حابارلادى. اتالعان اگەنتتىكتىڭ دەرەككوزدەرى حابارلاعانداي كارىموۆ تاشكەنت ۋاقىتىمەن ساعات 15:16-دا كوز جۇمعان.
الايدا وزبەك بيلىگى بۇعان قاتىستى قانداي دا ءبىر رەسمي مالىمەت بەرگەن جوق. ءوز كەزەگىندە ريا نوۆوستي-عا پىكىر بىرگەن وزبەك پرەزيدەنتى اپپاراتىنىڭ وكىلى بۇل اقپاراتتى جوققا شىعارىپتى. «بۇل شىندىققا سايكەس كەلمەيدى. پرەزيدەنت اۋرۋحاناعا ءتۇستى. ونىڭ جاعدايى قالىپتى» دەيدى ول.
ايتا كەتەلىك، بۇدان بۇرىن كارىموۆتىڭ قىزى لولا كارىموۆا-تيلليايەۆا اكەسىنىڭ باسىنا قان كەتكەنىن ايتقان بولاتىن.
ال وزبەكستاننىڭ حالىقتىق وپپوزيسيالىق قوزعالىسىنىڭ دەرەگىنشە، 78- جاسار كارىموۆ ءوزىن وليمپيادادان وزبەكستان ۇلتتىق قۇراماسىن ماراپاتتاۋ كەزىندەگى بانكەتتە ناشار سەزىنگەن. بانكەت 26 تامىزدا «دۇرمەن» رەزيدەنسياسىندا وتكەن.
سپورتشىلاردىڭ جەڭىسىنە قۋانعان كارڭموۆ الكوگول ونىمدەرىن شەكتەن تىس مولشەردە ءىشىپ قويعان. سول كۇنى تۇندە ءوز اكىمشىلىگىنىڭ باسشىسى زەليمحان حايداروۆپەن اڭگىمەلەسىپ وتىرعان كارىموۆ اياقاستىنان ەسىنەن تانىپ قالعان.
كارىموۆ وزبەكستان پرەزيدەنتىنىڭ ورىنتاعىنا 1991 جىلى وتىردى. سودان بەرى بيلىك قۇرىپ كەلگەن.
