Exit poll málimetinshe, Qasym-Jomart Toqaev 70,13 paiyz daýys jinaǵan.
Bul týraly "Qoǵamdyq pikir" institýtynyń keńes tóraiymy Ainur Májitova Nur-Sultandaǵy brifingte jariialady.
Exit poll nátijesi tómendegidei:
Jambyl Ahmetbekov - 3,86
Daniia Espaeva - 5,32
Ámirjan Qosanov - 15,39
Tóleýtai Rahymbekov - 3,03
Amangeldi Taspihov - 1,41
Kasym-Jomart Toqaev - 70,13
Sádibek Túgel - 0,86
"Qoǵamdyq pikir" institýty kúni boiy sailaý ýchaskelerinde azamattarmen saýaldasyp Exit poll júrgizdi. Barlyǵy 325 sailaý ýchaskesinde sailaýshylarmen pikirlestik. Sonyń ishinde oblys ortalyqtyry men Nur-Sultan, Almaty jáne de Shymkent qalalarynda 97 ýchaski, shaǵyn qalalarda 94 ýchaske, al aýyl okrýgterinde 134 ýchaske qamtyldy", - dedi Ainur Májitova.
Eskerte ketelik, bul kórsetkishter "Qoǵamdyq pikir" institýtynyń sailaý ýchaskelerinde júrgizgen saýalnamasynyń nátijesindegi ekzit-poll kórsetkishi. Qatelesý múmkindigi - 3 paiyz.
Oblystardyń, respýblikalyq mańyzy bar qalalardyń, astananyń sailaý komissiialarynyń usynǵan málimetine sáikes, sailaýda halyqtyń 77,4 paiyzy daýys bergen.
Sailaý ýchaskeleri jergilikti ýaqytpen tańǵy 07:00-de jumysyn bastap, keshki 20:00-de jabyldy. Qazaqstandyqtar on myńǵa jýyq sailaý ýchaskesinde daýys berdi.
Ýaqyt beldeýine bailanysty Aqtóbe, Atyraý, Batys Qazaqstan, Mańǵystaý jáne Qyzylorda oblystaryndaǵy sailaý ýchaskeleri elorda ýaqytymen jumysyn 08:00-de bastaǵan bolatyn.
Osy jolǵy prezident sailaýynda tizimge engizilgen sailaýshylar sany 11 million 947 myń 995 adamdy qurady.
Sailaý kezinde daýys bergen azamattardyń arasynda ótkiziletin anonimdi saýalnama "Exit Poll" dep atalady. Ekzit-poll sailaýdyń aldyn ala nátijesin jasaý arqyly ony burmalaýǵa jol bermeidi.
"Sailaý týraly" Konstitýtsiialyq zańǵa sáikes, qoǵamdyq pikirge arnalǵan saýalnamany zańdy tulǵalar ótkize alady.
Osy jolǵy prezidenttik sailaý kezinde ortalyq sailaý komissiiasy sotsiologiiayq zertteýlerdi ótkizý boiysha eki uiymnyń qujattaryn qabyldady. Olar - "Qoǵamdyq pikir" institýty" qoǵamdyq uiymy jáne "Jastar" ǵylymi-zertteý ortalyǵy" JShS.
Budan buryn Toqaev barlyq oppozitsiialyq kúshterdi ashyq dialogke shaqyrǵan bolatyn.
"Jastardyń bilikke qarsy shyǵyp-shyqpaýy mańyzdy emes. Men jastar sanatyna kiretinderdiń barlyǵy halqymyzdyń aldynda turǵan mańyzdy máselelerdi sheshý jolynda birigetinine senemin. Álem turaqsyz bolyp barady. Soǵan qaramastan, biz adamdardyń pikirine qurmetpen qaraimyz. Biz bilikke qarsy adamdarmen de, qoldaityndarmen de ashyq dialog júrgizýge daiynbyz", - dedi Toqaev ózi daýys bergen ýchaskede.
"Men barlyq zań organdaryna azamattar tarapyna durys jumys jasaýdy tapsyrdym. Keshirilmeitin qylmystar da bolady, árine. Biraq pikir aitýǵa barlyǵy quqyly. Men jastardy bilik baǵytyna sabyrmen qaraýǵa shaqyramyn.Biz elimizdi damytý úshin bár bolýymyz kerek, ashyq dialogtar uiymdastyrýymyz kerek", - degen-tuǵyn Qasym-Jomart Kemeluly.
